tara1
1.
[Tangaroa] ing .
He hanga koi e rite ana ki te ngira e puta ake ana i tētahi mea pērā i te ika, i te kararehe, i te tipu rānei.
I tū tana ringa i ngā tara o te kina.
Kia tino tūpato i te tara o te whai.
tarakina
(2)
tara a Māui
[Tāne] ing .
He rākau 15 mita te tupu.
Pseudopanax crassifolius
horoeka
2.
[Tangaroa] ing .
Te tarakina i te hiku (o te whai).
E rua rawa ngā tara kei te hiku o ētahi whai.
{
hoto 2 (2
) , wero }
3.
[Papatūānuku] ing .
Te wāhi whakarunga rawa (o te maunga).
Rā te pūkohu tāiri ana mai te tara ki Tautari. (W 386)
{
tautara }
4.
[Ranginui] ing .
Ngā hihi o te rā ka kitea i mua i tōna aranga ake i te pae.
Puta rawa mai te tara o te rā, kei runga o Pouarua e haere ana. (W 386)
Ātaahua ana tērā te kite i ngā tara e toro ana i te pae i te ata pūao.
5.
[Tūmatauenga] ing .
Te ū tonu ki tētahi mahi uaua, ki tētahi mahi mōrearea me te kore e mataku, ahakoa rānei te mataku.
He tangata whai tara a Tūwhakairiora. (W 386)
māia
(2)
6.
-nga
[Ranginui] mahp, ing, āhua .
Ka iti haere (te wāhi o te marama e mārama ana).
E tara kau ana te marama, āpōpō mate ai. (W 386)
roku
(1)
tara kore
tara koretanga
[Ranginui & Papatūānuku] mahp, ing, āhua .
Ka kaha kore, ka ngākau kore, kāore e hiahia kori ake i te ngenge, i te māuiui.
Kua aua atu te wā e mauheretia ana ia mō te kore noa iho - nā whai anō i tara kore ai.
ngoikore
(2)
7.
-nga
[Rongo] mahp, ing, āhua .
Ka wana mai ngā rau takirua tuarua, arā, ngā mea whai mai i ngā rau kākano (o ngā tipu pērā i te hue).
Kua tara kē ngā kamokamo ka tīkona e te hukapapa.
8.
tarā -nga
[Tūmatauenga] mahw, ing, āhua .
Ka whakararu i te tau o te noho, i te tau o te wairua, i te takoto rānei o tētahi mea.
Nā wai i tara ngā huruhuru o tērā, inā kua amowheke katoa!
raweke
(3)
9.
tarā -nga
[Tāne] mahw, ing, āhua .
Ka tītipi (i te tangata, i tētahi mea rānei) ki te karakia.
E Whare ē, tarā te rangi kia mao ai. (W 386)
tara2
1.
-nga
[Tāne] mahp, ing, āhua .
Ka whakaputa oro ukiuki, he mārū, he ngateri anō pea, pērā i te rere a te pī, a te ngaro.
Te kihikihi tara ki te waru. (W 386)
tamumu
tara koekoeā
[Tūmatauenga & Rongo] ing .
He tākaro nā te tamariki e kapu ai ngā ringa, engari ka waiho te kōroa kia toro tonu. Kua tāpatupatu ngā ringa o te katoa, kua waiata. Ina whakahuatia te 'tara koekoeā' o te ruri, kua mahi katoa kia pā te takoroa ki te ringa o tētahi atu, ka whakahoki ai ki muri o te tuarā. Ki te pā te takoroa o tētahi ki tōu ringa, kua hinga koe.
Anei te ruri ka haere tahi ki te tara koekoeā. 'Ka haere, ka haere a Pāora, ki te wero kūkū, ki te wero kākā, ka tangi te tara koekoeā.'
2.
[Tūmatauenga] ing .
He kōrero ka hariharia e te tangata, ehara pea i te kōrero pai, i te kōrero pono rānei.
E hika mā, whakarongo mai ki te tara ka iriwharetia. (W 386)
kohimu
(5)
3.
[Tūmatauenga] ing .
He kōrero mō tētahi mahi e whakaarotia ana he tino kino, e riri ai te iwi, te marea.
He patupatu wahine te tara i tāoro mō te kāpene o te tīma toa o Aotearoa.
heitara
tara3
1.
[Tāne] ing .
He ingoa whānui mō tētahi whānau manu tai, he whāiti iho te tinana o te nuinga i tō te karoro, te tarāpunga rānei, he hiku tokomanga ō ētahi.
Sterna spp
Ka tere te tangata i Te Moana-o-Raukawa, he tara te hoa haere o te waka
2.
[Tāne] ing .
He manu tai, he pango te tumuaki me te ua, he mā te rae, he kiwikiwi a runga, he mā a raro, he mā, he roa, he tokomanga te hūmaeko, he pango ngā karu, he pango ngā ngutu, he mā te pito, he pango, he karaka rānei ngā waewae.
Sterna striata
{
(tara pirohe
) }
tara pirohe
[Tāne] ing .
He manu tai.
Sterna striata
3.
[Tāne] ing .
He manu tai, he kiwikiwi, he pango te upoko, te rae me te ua, kia whakaipoipo he pango katoa, he huru mā kei raro iho i ngā karu pango, he kiwikiwi te nuinga o ngā huruhuru, he mā ngā papa, he karaka ngā ngutu.
Sterna albostriata
{
(tara pirohe
) }
tara pirohe
[Tāne] ing .
He manu tai .
Sterna albostriata
tara iti
[Tāne] ing .
He manu tai, he mā, he pango te rae, he pango te pito o ngā ngutu, kia whakaipoipo he kōwhai ngā ngutu, he mā katoa te rae, he kiwikiwi te tinana a runga, he mā a raro, he pango te tumuaki me te ua, he tāhei pango kei mua o ngā karu engari kāore e tae rawa ki ngā ngutu, he tokomanga te hūmaeko, he karaka ngā waewae.
Sterna nereis
{
(tara teo
) , (tara teoteo
) }
tara teo
[Tāne] ing .
He manu tai.
Sterna nereis
(tara iti)
tara teoteo
[Tāne] ing .
He manu tai.
Sterna nereis
(tara iti)
tara4
[Tāne] ing .
Tētahi o ētahi taha o te whare e toko ake ana i te tuanui.
Kei te tara o te whare ngā whakaahua e tare ana.
pakitara
1
mate tara ā-whare
[Ranginui & Papatūānuku] ing .
Te mate noa iho nā te eke o te wā, kua mutu te wāhi ki te tinana, kua koroua, kua kuia.
I mate tara ā-whare, i a ia e moe ana.
He tangi tēnei nāna mō tana tama mō Te Waikari i mate tara ā-whare, ā, i whakapaea he mea whaiwhaiā. (TT 89, t142)
Ko te matenga tēnei o Te Momo, he toa, kāore i mate tara ā-whare. (TT 100, wh1943)
{
(mate koeo
) , (mate taratara whare
) }
mate taratara whare
[Ranginui & Papatūānuku] ing .
Te mate noa iho nā te eke o te wā, kua mutu te wāhi ki te tinana, kua koroua, kua kuia.
I mate taratara whare te koroua rā.
(mate tara ā-whare)
tara iti
[Tāne] ing .
Te wāhi ki te taha mauī ina kuhu te tangata ki roto i te wharenui.
Ko te hau kāinga kei te tara iti, ko ngā manuhiri kei te tara nui.
kopa
3
(2)
tara nui
[Tāne] ing .
Te taha matau o te wharenui i te hounga atu, te taha ki te manuhiri.
Ko rātou ki te tara nui o te whare moe ai, ko te tangata whenua ki te tara iti. (Wh 46, 3)
Hei konei ka tīmata ngā mihi ā-whare, mai i te tara iti, ā, huri noa ki te tara nui. (Wh 46, 3)
{
(tara whānui
) }
tara o Tawheo
[Tāne] ing .
Te wāhi ki te taha mauī ina kuhu te tangata ki roto i te wharenui.
kopa
3
(2)
tara whāiti
[Tāne] ing .
Te wāhi ki te taha mauī ina kuhu te tangata ki roto i te wharenui.
kopa
3
(2)
tara whānui
[Tāne] ing .
Te taha matau o te wharenui i te hounga atu, te taha ki te manuhiri.
Ko te tangata whenua i te tara whāiti e noho ana, ka whakanohohia mātou i te tara whānui. (Wh 44, 2)
(tara nui)
tara5
1.
tarā -tia -nga
[Tūmatauenga] mahw, ing, āhua .
Ka tuku (i tētahi mea) kia tangatanga, kia kore ai e kikī rawa, e ita rawa.
Wetea te tau o ō kahu, tarā te tau o ō kōrua pūeru. (W 387)
whakatangatanga
(1)
2.
tarā -tia -nga
[Tāne] mahw, ing, āhua .
Ka mahi kia noho motuhake mai tētahi mea i te wāhanga matua, i te nuinga, i tētahi rōpū, i tētahi atu hanga rānei.
Tarā atu ngā whārangi kikorangi i ngā whārangi mā, ka karapiti ai.
wehe
1
(1)
3.
-nga
[Tāwhirimātea] mahp, ing, āhua .
Ka tutuki, ka oti (tētahi haere, tētahi mahi, tētahi āhuatanga) i roto i te wā poto.
Kia tara te haere, kei mahue koutou.
tere
(2)
tara6
[Papatūānuku] ing .
Te pū (i te tinana wahine, i te tinana uwha) atu i te kauraho ki te kōpū.
E āta tirohia ana e te tākuta te tara o te kōtiro kia mōhiotia ai mēnā i rahua ia.
Ka rawe rā māua ko taku tara ki te hāpai ewe ki ngā whenua. (NM2 142, 15)
{
hanahana 1 , (hanga kino
) , kiko , kikokiko , kiritore , kōtaratara 2 (2
) , mokakati , nono , puapua 2 (2
) , puta 1 (3
) , rapa 4 , ropi 2 (2
) , taiawa 1 (2
) , tamu , tapa 1 (3
) , teke , tenetene , tewhatewha , toke 1 (3
) , tore 2 (4
) }
