māia1
1.
-tanga
[Tūmatauenga] āhua, ing, mahp .
E ū tonu ana ki tētahi mahi uaua, ki tētahi mahi mōrearea me te kore e mataku, ahakoa rānei te mataku; e manawanui ana, e manawa kai tūtae ana.
Ka whakawhiwhia a ia ki te tohu Rīpeka mō te Toa mō āna mahi māia i te mura o te ahi. (Ruka TTR 3, 27)
He rawe tāna tū mai i mua i te tini ki te whakahē i a rātou, he tangata māia.
{
aumangea , marohi , mārohirohi 2 (2
) , mōrohirohi , ngana , niwha , pākaha , taitoa , toa 1 (5
) }
2.
[Tūmatauenga] ing .
Te ū tonu ki tētahi mahi uaua, ki tētahi mahi mōrearea me te kore e mataku, ahakoa rānei te mataku.
Ka hau ngā rongo o Te Keepa i te pakanga nei nā runga i tana māia me tana kakama. (TTR 1, 271)
{
hautoa , hautū , niwha , para 3 , tara 1 (5
) , toa 1 (3
) }
3.
[Tūmatauenga] ing .
He tangata māia kua tino eke i a ia ngā mahi a Tūmatauenga.
Na, whakahaua iho e ia ngā māia o tōna whenua . . . kia uru mai hei tangata mō tōna ope. (KtKM 6, 12)
toa
1
(2)
4.
[Tangaroa] ing .
He hanga weriweri, he hanga whakamataku, he kai tangata, he wā anō e noho kaitiaki ai, he wai hōhonu tōna kāinga.
Kātahi ka āta mātakitakitia te māia e huna nei i te tangata. (W 166)
taniwha
(1)
