raweke1
1.
-tia -tanga
[Tūmatauenga] mahw, ing, āhua .
Ka whakakotahi i ētahi mea, ka whakarerekē rānei i ētahi rawa, i tētahi rawa rānei, kia oti mai ai tētahi mea kē atu.
Ko te raweke i mōhio, ko te hāpai, kāhore. (E mea ana i mōhiotia me pēhea te hanga, engari kāore i mōhiotia me pēhea te whakamahi.) (W 333)
mahi
(2)
2.
-tia -tanga
[Tūmatauenga] mahw, ing, āhua .
Ka whāwhā (i tētahi mea) me te kore e kimi whakaaetanga ki te whāwhā atu.
Ka kīia atu kia kaua e raweke i te rorohiko, na, kua pakaru i a koe.
I haria ia ki te ture, he raweke tamariki nōna.
Tae rawa atu, kua patua tāna ika e ōna tuākana ki te rākau. Koia i pokopokorua ai, i maunga ai. Mehemea kāore i raweketia, takoto mania ana tēnei motu. (TT 92, wh960)
{
hūrau , rahurahu 1 }
3.
-hia -tia -tanga
[Tūmatauenga] mahw, ing, āhua .
Ka whakararu i te tau o te noho, i te tau o te wairua, i te takoto rānei o tētahi mea.
E raweke ana te tamaiti i te ngeru, koirā ia i hihī ai.
{
awhe , kaitorohi , kōnatunatu , nanape , oi 1 (3
) , rorohū , tara 1 (8
) , tiritiri , ueue , whakahīoi , whakahārangi , whakakekeu , whakakeukeu , whakakūrakuraku , whakakārangi , whawhe }
4.
-tanga
[Tāwhirimātea] āhua, ing, mahp .
E tahuri ana ki te whakararu i tētahi atu, i runga i te wairua whakatoi, i te wairua ngahau.
Ahakoa ngā mahi raweke a Māui, ko ia tonu a tuahangata.
hīanga
5.
-tanga
[Tāne] āhua, ing, mahp .
E tino taea ana (e te tangata) ngā mahi, e ekea ana e ia ngā taumata, kei mua i ētahi atu e haere ana; he tangata e pēnei ana te āhua.
Karangatia tō whanaunga, koia te ringa raweke o tātou ki te mahi kāmura
kaiaka
(2)
tangata raweke rawa
[Tūmatauenga] ing .
He kupu whakarite mō te rangatira.
He tangata raweke rawa, otirā he rangatira tū marae.
tētēkura
(2)
6.
-tanga
[Tūmatauenga] āhua, ing, mahp .
E kaha ana ki te mahi.
Ko au tonu e kī ana he tohu rangatira te ringa raweke ki te mahi, ā, ko te mangere he tohu tūtūā. (WM 9, 20)
pukumahi
7.
[Ranginui & Papatūānuku] ing .
Ngā wāhanga o roto, ngā mahi o roto (o te pūrere, o te aha atu rānei), ngā taputapu, ngā rawa (o tētahi wāhi, mō tētahi kaupapa rānei).
I ngā pū repo te tino kahanga o te mahi, nā konei te Ingarihi i kaha ai, arā, nā te mōhio ki ngā tini raweke o aua tū pū. (Pi 22, wh3)
Nāna i whakaatu haere ngā wāhi katoa o te kaipuke, me ōna tini raweke, ki te Kāwana rātou ko ōna hoa. (Pi 27, wh1)
Ko te whakapono tētahi mea kei te whakaakutō i te whāwhā a te Māori ki ngā raweke maha a te Pākehā i tēnei wā. (TT 1, 3)
