tere1
1.
-nga
[Tangaroa] mahp, ing, āhua .
Ka noho, ka rere rānei i te mata o te wai, kāore e totohu.
Pīhukatia ana e Maria ngā poro rākau e tere ana i te awa. (TTR 4, 225)
mānu
(1)
2.
-nga
[Tāwhirimātea] mahp, ing, āhua .
Ka tutuki, ka oti (tētahi haere, tētahi mahi, tētahi āhuatanga) i roto i te wā poto.
Ko tēnei reta kia tere te haere kia wawe te tae mai. (WMA 6, 7)
Ka whakaaro te teina, koia anō pea kei tā tana tuakana te tika kia tere ai te tū o tana whare. (IwiT 6:2)
Ka tere tonu taku matika. Me whakarongo ka tika. (HP 102)
E kīia ana tēnei tū o te mate kohi he 'tere' he 'kohi karapu', he tere nō te pā mai, he tere hoki nō te mate o te tangata. (PH 4, 11)
{
hihiko , hohoro , horo 2 (2
) , hue 2 , huhue , kaikama , kakama , kamakama , māmā 1 (5
) , māngi , pekepeke , tara 5 (3
) , tāheke , tūhaua , tūkawikawi , wawewawe , whitawhita }
3.
-nga
[Tangaroa] mahp, ing, āhua .
Ka haere i te wai (o te ika).
Ka kite a Tainui i taua taniwha e tere ana i waho ake o Pūponga. (W 412)
4.
[Tangaroa] ing .
He huinga ika e haere tahi ana.
Me te tere īnanga i Te Ōmutu. (TT 48, 258)
rāngai
1
(1)
5.
[Tūmatauenga] ing .
He huinga tāngata e whai tahi ana i te huarahi kotahi ki tētahi wāhi.
Ū rawa te tere ki uta, kua pau ō rātou hau i te roa e rutua ana e Tangaroa. (Hēni)
ope
(6)
-nga
[Tāne] mahp, ing, āhua, tūkē .
Ka tutuki, ka tae atu rānei i te wā poto noa, kāore noa iho e roa, i roa rānei.
Kia tere te waea atu ki tō whaea - e kimi ana ia i a koe.
Me waka tere kia wawe ai te tae atu.
Ka tere tonu te tipu o te whakapono. (TT 38, wh98)
