He Pātaka Kupu

2. [Ranginui] ing .
He āputa ka tīmata ake i tētahi taha o tētahi mea, ka puta ake anō i tērā taha, he wāhi areare rānei i tētahi hanga, i tētahi mata. E rua ngā puta i te ihu, e kīia nei ko ngā pongāihu. E kapi tonu ana te kiri o te tangata i ngā puta ririki. He mea iti rawa aua puta. Koia tēnei ko te huarahi e puta mai ana te werawera o te tangata me ngā kino i roto i ngā toto. (Ha 1, 3)
kōhao

3. [Papatūānuku] ing .
Te pū (i te tinana wahine, i te tinana uwha) atu i te kauraho ki te kōpū.
tara ⁶

4. [Tāne] ing .
He puku i te kiri e kī ana i te wai ka kitea ina wera te kiri, ki te roa rawa rānei te kiri e hikaia ana ki tētahi mea. He puta kei aku ringa, i te kore ōku e whakamahi kāheru mō tētahi wā roa tonu.
hoipū (2)

5. -nga [Tāwhirimātea] mahp, ing, āhua .
Ka rerekē te wāhi noho, ka haere atu i tētahi wāhi ki tētahi atu. Ka mutu, puta kē he wāhi kē, e rima puhi. (W 315)
neke (1)

6. -nga [Tāne] mahp, ing, āhua .
Ka haere mā tētahi wāhi, ka uru ki roto, ka haere ki waho rānei. Nō tō rātau mōhiotanga he hōia ērā, kātahi rātau ka puta mā muri o te pā. (PH 5, 11) Ka puta te kiore ki roto. (W 315) Ka whakahēngia te puta tika atu o ngā para i ngā kōrere ki te moana.

7. -nga [Tāwhirimātea] mahp, ing, āhua .
Ka motu iho i tētahi momo here, ka karo rānei i tētahi āhuatanga mōrearea. Aoinaake, tē kitea ngā mauhere, kua puta kē i te ata hāpara. (Hēni)
oma (3)

8. -nga [Tāne] mahp, ing, āhua .
Ka mataora tonu ahakoa mate atu tētahi atu, ētahi atu rānei. Māringanui te whakapono kia tere te tae mai, i puta ai he mōrehu ki te ao. (W 315)
ora ¹ (2)

9. -nga [Ranginui & Papatūānuku] mahp, ing, āhua .
Ka neke ki tētahi wāhi e kitea ai e te karu, e rangona ai rānei e te taringa, e te aha atu. Kia puta a Matariki i te pae, koia tērā ko te tohu o te tau hou. Ka rongo taku māmā i te karanga a Kahutia, tere tonu tōna puta mai ki waho o tō mātau whare. (HP 23) Kātahi anō ka puta te ripoata o taua hui, ā, kua āta tirohia e au ōna kōrero. (Wh 12, 2) Kua puta te kupu a te Pākehā nō ngā tamariki kaumātua o Te Aute te reo Ingarihi pai atu i tō te Pākehā. (HTK 2, 15) I tēnei, ka puta te riri, ā, whāia atu ana e ia a Hoani. (Wh 5, 5) I tēnei, ka puta te riri, ā, whāia atu ana e ia a Hoani. (Wh 5, 5) { puaki }

puta ki waho -nga [Papatūānuku] mahp .
Ka puta ki te whaiao, ki te ao mārama (o te pēpē, o te kūao). I moe a Pūhaorangi i a Kura-nui-a-monoa kia puta ki waho ko Ohomairangi. (B 34) Ka noho te Rangi e tū nei; ka noho i te Atatuhi, ka puta ki waho ko te Marama; ka noho i a Te Werowero, ka puta ki waho ko te Rā. (NM3 240, 10)
whānau (1)

puta noa [Papatūānuku] tūkē .
Huri katoa (i tētahi wāhi); tae noa atu (ki tētahi wāhi). Tēnā, ka hia whare karakia ka tū puta noa, puta noa i Waikato? (H 67) Ko Ngā Rauru anake te wāhi i rongo ai a ia ki ēnei āhua rerenga kōrero, o Aotearoa katoa nei, puta noa i ngā moutere o Te Moana-nui-a-Kiwa. (B 51) Kātahi ngā wāhine rā ka whakarārangitia puta noa ki tō rātou waka. (W 315) E puare katoa ana a roto, puta noa ki raro. (W 315) Ki a Ngāti Kahungunu katoa o Wairarapa nei, ōna rohe katoa, Ahuriri, ōna rohe katoa, puta noa atu ki te uranga mai o te rā, kia ora tātau katoa. (PH 3, 12) Ki a Ngāti Kahungunu katoa o Wairarapa nei, ōna rohe katoa, Ahuriri, ōna rohe katoa, puta noa atu ki te uranga mai o te rā, kia ora tātau katoa. (PH 3, 12)

puta²

1. [Tūmatauenga] ing .
He tūtakinga nā ētahi ope taua e rua, neke atu, e whawhai ai tētahi taha ki tētahi. Te puta tuatahi i hinga ai māua, kei Paparetu. (W 316)
pakanga

2. [Tūmatauenga] ing .
Te wāhi ki mua tonu o te pakanga, ki te mātotorutanga o te whawhai.
haputa

3. [Tūmatauenga] ing .
Te papa i tū ai te pakanga. Te puta tuatahi i hinga ai māua kei Paparetu. (W 316)
kauhanga (1) (kauhanga riri)

puta taua [Tūmatauenga] ing .
Te papa i tū ai te pakanga. Ko te pā tahuri ko Tokaanu, ko te puta taua ko Te Hikutawatawa, i te rā kotahi. (W 316) He whānau tama ki te wahine, he awatai, he puta taua ki te tane. (W 316)
kauhanga (1) (kauhanga riri)