whānau1
1.
-tanga
[Papatūānuku] mahp, ing, āhua .
Ka puta ki te whaiao, ki te ao mārama (o te pēpē, o te kūao).
Nō muri ka whānau ngā tāina o Te Huhuti, ka tapaina ko Hinehore, ko Hineteko. (KRK 18)
Kua whānau he mokopuna tāne māna. (IwiT 29:11)
Kua whānau mai ngā punua poaka.
{
(puta ki waho
) , rere , whererei }
2.
-tanga
[Papatūānuku] mahp, ing, āhua .
Ka whakaputa (i te pēpē, i te kūao) ki te whaiao, ki te ao mārama.
Nō te rua karaka i whānau ai a Mārama, e waru pāuna te taumaha o tana pēpē, he tāne.
3.
[Ranginui & Papatūānuku] ing .
Ngā tamariki a te tangata, ngā kūao, ngā punua a te kararehe.
Ka rangona e Rata e karakia haere mai ana te whānau a Tāne. (W 487)
Te Whānau-a-Apanui. (W 487)
4.
[Tāne] ing .
He huinga tāngata he herenga toto, he herenga whakapapa ō rātou ki a rātou anō, he wāhanga rātou nō tētahi hapū, nō tētahi iwi.
Kua pōhiritia te whānau nui tonu kia haere mai ki te mārena - e rima rau pea ngā tāngata ka tae ake.
{
hapori , ngare 1 (1
) , puninga }
whānau ariki
[Ranginui] ing .
Te huinga o ngā mea e kitea ana i te rangi, arā, ngā whetū, ngā aorangi, ngā amiorangi, ngā matakōkiri, ngā aha atu, ngā aha atu.
He karu whakatata kaha tonu tāna, e pai ai tana mātai i te whānau ariki i ngā pō.
mārama
(1)
(whānau mārama)
5.
[Ranginui & Papatūānuku] ing .
He huinga tāngata e hono tahi ana, e mahi tahi ana i raro i tētahi kaupapa.
Kua tae mai ngā whānau o ngā Wharekura ki te tautoko i te kaupapa.
