mārama1
1.
-tanga
[Ranginui] āhua, ing, mahp, tūkē .
E nui ana te aho, kāore i pōuri (o tētahi wāhi).
Ko tōku āhua i rite ki te tangata i roto i te rūma pōuri e noho ana. Ināianei kua puta ahau kei te wahi mārama noho ai. (TT 26 wh15)
Ka tomo mātou i raro o ngā maunga haere ai i te wāhi pōuri, ka puta atu ki te wāhi mārama haere ai. (WM 10, 16)
Tēnā whakakāngia te rama o waho kia mārama ai te ara hīkoi atu ki ngā waka.
whānau mārama
[Ranginui] ing .
Te huinga o ngā mea e kitea ana i te rangi, arā, ngā whetū, ngā aorangi, ngā amiorangi, ngā matakōkiri, ngā aha atu, ngā aha atu.
Kei roto katoa a Tamanuiterā, te marama, a Meremere, a Matawhero, a Pareārau, i te whānau mārama.
{
(whānau ariki
) }
2.
-tanga
[Ranginui] āhua, ing, mahp .
E tuku aho atu ana ki roto e māmā noa ai te kitea atu o ngā mea kei roto, kei muri rānei.
Mārama kehokeho te moana. (W 180)
pūataata
1
(1)
3.
-tanga
[Tāne] āhua, ing, mahp, tūkē .
E māmā ana te kitea atu o te tikanga (o te kōrero).
He kupu mārama rawa aua kupu a Te Tamihana, ā he tangata tika a ia ki te whakaatu kōrero. (Wa 3, 3)
Ki te tukua mai ā koutou pukapuka tono whakawā mō ō koutou whenua ki tēnei Tari, kia mārama te tuhituhi mai. (PWW 1, wh4)
{
māori 2 }
4.
-tia -tanga
[Tāne] mahw, ing, mahp, āhua .
Ka kite i te tikanga, i te hōhonutanga atu o tētahi mea.
E pai ana, kua mārama mātou ināianei ki te take o te raruraru. (WM 9, 6)
Kei te mārama au he nui ngā whāwhārua o ēnei kōrero hei whakakopi. (B 9)
Kei te mārama anō koe ki ngā kōrero kei roto i ana whakairo? (KK 171)
{
mōhio , mātau 1 (2
) , orotau }
