hū1
1.
[Papatūānuku] ing .
He oneone mākū kua hāpiapia katoa, ki te hōhonu ka tāpokopoko, ka kitea i te whenua ina mutu te ua, i te taikoraha, i te repo, me ērā momo wāhi.
Kua tapoko atu ngā kau ki te hū. (Te Haumihiata)
paru
1
(2)
2.
[Papatūānuku] ing .
He wāhi i te whenua ka totohu whakaroto.
Kia marangai, kua kī ngā hū o te whenua nei i te wai. (Te Haumihiata)
3.
[Papatūānuku] ing .
He whenua noho mākū tonu, noho tāpokopoko tonu.
Kua heke atu ngā tamariki ki te whaiwhai kapowai i te hū.
repo
(1)
hū2
1.
-nga
[Rūaumoko] mahp, ing, āhua .
Ka whakaputa i tētahi oro kārangaranga nui.
I puta ake ai ko Ngāuruhoe, te ngāwhā e hū rā i te tihi o te maunga. (W 63)
haruru
(1)
2.
-nga
[Tangaroa] mahp, ing, āhua .
Ka pōkarekare katoa me te kokō ake i te mea he mirumiru e piki ake ana i roto.
Te puna e hū ake rā i raro i te whenua. (W 64)
pupū
(1)
3.
[Rūaumoko] ing .
He oro tino kaha, me te mea nei kua pahū tētahi mea, ko te oro tonu rānei ka puta ina pahū tētahi mea.
Tumeke katoa au i te hū, ko te pakū o te pū repo te rite.
Me puru ō taringa kia kore ai e mamae i te hū o te pū.
4.
-nga
[Rūaumoko] mahp, ing, āhua .
Ka whakaputa oro āhua hākirikiri nei, e āhua rite ana ki te kupu 'hū' te tangi (o te kararehe, te tangata, tētahi atu hanga rānei).
E hū ana te pēpē, taihoa pea ka whakahuahua kupu.
{
huhū }
5.
-nga
[Tāne] mahp, ing, āhua .
Ka kawea, ka poia e te ngutu tāngata (o te muna, te tarawau).
He hāwatewate noa te kōrero kua hū ake mō Hine rāua ko Tama.
6.
-ria -nga
[Tāne] ing, mahp, āhua .
Te tangi (o ētahi momo manu).
Ka karanga te moho ka mea, 'Hū.'
Kei te rongo anō koe i te matuku e hū mai rā i te repo?
7.
[Rūaumoko] ing .
He oro hoihoi.
Ka rongo te iwi ki te hū me te haruru e tangi ana. (W 64)
{
matioke , tau 7 (2
) , whakarongoa }
8.
[Tūmatauenga] ing .
Te ia, te wairua (o te kōrero).
Ko te hū o tana whaikōrero, kei riro mā te Pākehā tō tātou reo e whakaora.
hā
(6)
hū3
1.
-tanga
[Rongo] mahp, ing, āhua, tūkē .
Kāore e hoihoi, e turituri, ka āta tau mō tētahi wā kia hoki mai ai te kaha.
Ka noho hū ngā tamariki ki te pānui pukapuka. (Te Haumihiata)
2.
-tanga
[Rongo] mahp, ing, āhua, tūkē .
Kāore e kōrero, e hamumu te waha.
Hū tonu atu ngā waha i te rongonga ko ngā mea kāore e hoihoi, ka whiwhi aihikirīmi.
wahangū
(2)
3.
-tanga
[Papatūānuku] mahp, ing, āhua, tūkē .
Kāore e paku oraora, e neke, e aha.
E noho hū ana te kuratōpuni i te uru kānuka, e tatari ana kia hipa atu te hoariri.
nohopuku
(2)
4.
-tia -tanga
[Rūaumoko] tūkē, āhua .
Me te kore e whakaatu atu ki tētahi atu.
Kīhai rawa i karanga ki taua iwi, 'Ko te whakaariki!' I oma hū ki te maunga rātou ko tana iwi. (W 64)
huna
(5)
hū4
1.
[Papatūānuku] ing .
He pito whenua teitei e toro atu ana i te tahatika ki te moana, ki te roto rānei.
He mea whakatū te tīramaroa ki te hū, hei ārahi i ngā kaipuke e hou mai ana ki te whanga.
mātārae
(1)
2.
[Papatūānuku] ing .
He wāhanga whenua e puku ake ana, e tairanga ake ana i te mata o te whenua, engari kāore i rite ki te maunga te teitei, te taratara rānei.
Ka tukuna ngā hipi kia piki i ngā hū ki reira kai pātītī ai.
puke
1
(1)
hū5
[Ranginui & Papatūānuku] ing .
Te hiahia ki tētahi mea, ki te mahi rānei i tētahi mahi.
Ka mau te hū ka hoki te waiora ki te ao. (W 64)
Ka mau te hū ki tō hengahenga. (W 64)
He hū kore ki tēnei mahi ki te tuku kōrero. (W 64)
awata
hū6
[Tāne] ing .
He hanga hei uhi i ngā waewae mai i ngā matimati ki ngā rekereke, ko te tikanga ka kuhuna ki waho atu i ngā tōkena.
Ka mamae ō waewae ki te haere kore hū koe i runga i ngā kōhatu nā. (Te Haumihiata)
