nohopuku1
1.
-tanga
[Rongo] mahp, ing, āhua, tūkē .
Kāore e kōrero, e hamumu te waha.
Ka nohopuku tonu a ia ahakoa te nui o te kōrero a ētehi atu.
wahangū
(2)
2.
-tanga
[Papatūānuku] mahp, ing, āhua .
Kāore e paku oraora, e neke, e aha.
Ka nohopuku te tamaiti i muri i te ārai, kia kore ai e kitea e tana hoa e rapu haere ana i a ia.
{
hū 3 (3
) , whakaroau }
3.
-tanga
[Tūmatauenga] mahp, ing, āhua .
Kāore e kai (kia tatū rā anō tētahi kaupapa nui).
Ka nohopuku te whānau pani mō ngā rā o te tangihanga, kia nehua rawatia te tūpāpaku kātahi anō ka kai.
Nohopuku ai ngā Rōmana e toru wiki i mua atu o te rā Aranga, engari kapea ai te Hāpati me te rā o te Ariki. (TT 91, wh937)
4.
-tanga
[Tāwhirimātea] āhua, ing, mahp .
Kāore (te haurehu) e korikori tahi ki tētahi atu, me uaua rānei ka korikori tahi ki tētahi atu, e puta ai he matū kē atu.
He haurehu nohopuku te haumāmā, arā, ahakoa te aha, ka noho haumāmā tonu.
