take1
1.
[Tāne] ing, āhua .
Te wāhanga o te tipu kei roto i te whenua e tupu ana (i te nuinga o te wā), e tautoko ana i te tipu, e tango wai ana, e tango kai ana mai i te oneone.
Ka tūtuki tana waewae ki te take o te rākau, ka hinga ki raro.
pū
3
(3)
2.
[Papatūānuku] ing .
Te wāhanga whakararo rawa (o tētahi mea).
Rokohina atu e noho ana te ruahine matakerepō i reira, i te take o te pikitanga. (W 370)
Kua pirau te take o te pou i te mākū o te whenua.
pūtake
(1)
3.
[Tūmatauenga] ing .
Te hanga tonu nāna i pā ai tētahi āhuatanga, te hanga rānei e whakamārama ana he aha i pā ai tētahi āhuatanga.
A: He aha te take i turakina ai taua whare? K: He pirau katoa nō ngā papa.
Kei te tino mokemoke māua ki te hau kāinga - koinā te take e hoki ana māua ki reira, noho ai.
{
mea 1 (2
) , pata 1 (3
) , pūnga , pūtake , rawa 1 (4
) , takunetanga , tikanga }
4.
[Ranginui & Papatūānuku] ing .
Te wāhi, te tangata, te hanga rānei i tīmata mai ai, i ara ake ai tētahi mea.
Ko Mahuika te take o te ahi.
pūtake
(3)
takea
[Ranginui & Papatūānuku] mahh .
Ka tīmataria mai, ka ara tuatahi mai.
Kitea rawatia ake, kua muia e te iro. Nō reira i takea ai te ingoa o Hikairo. (IwiT 38:3)
He ōhākī i takea mai i te Tiriti o Waitangi, he kupu tapu nō ngā whakatupuranga (KRK 117)
Koia te tangata i takea ai te whawhai ki ngā motu nei. (Wa 3, 47)
{
(pūtakea
) }
5.
[Tūmatauenga] ing .
He karakia .
Ruhi noa, ngenge noa, i ō pū, i ō take. (W 370)
6.
[Tūmatauenga] ing .
He kaupapa whai kiko hei whiriwhiri, hei kōrerorero, hei whakatau.
Ka kōrerotia te take nei e ngā kaumātua, e ngā rangatahi, ā, tau noa te puehu.
Ka noho ia i te taha o te takuahi ka tangi te mapu. He tikanga tērā nāna kia mōhio mai ai tana koroua he take nui kei a ia i tae atu rā. (IwiT 46:11)
Kua hokona katoatia e koutou te nuinga o ngā whenua, a ka pēwhea ā koutou tamariki āpōpō? He take tino nui tēnei hei whiriwhiri mā koutou. (TT 21, wh6)
7.
[Tūmatauenga] ing .
Te upoko, te kaiārahi o tētahi iwi, he tangata whai mana i roto i te iwi.
He kawenga kei runga i te take ki te ārahi tika i tōna iwi. (W.370)
rangatira
(1)
