pūtake1
1.
[Papatūānuku] ing .
Te wāhanga whakararo rawa (o tētahi mea).
Ko te tiki kei te pūtake o te tuaiwi.
Arā ētahi momo rākau, ina topea atu, ina turakina atu rānei, ka wana ake anō i te pūtake.
{
pū 3 (4
) , take , taketake }
2.
[Tāne] ing .
Te wāhanga o te tipu kei roto i te whenua e tupu ana (i te nuinga o te wā), e tautoko ana i te tipu, e tango wai ana, e tango kai ana mai i te oneone.
He hōhonu tonu te pūtake o te toetoe, koirā i uaua ai te huhuti ake.
pū
3
(3)
3.
[Ranginui & Papatūānuku] ing .
Te wāhi, te tangata, te hanga rānei i tīmata mai ai, i ara ake ai tētahi mea.
I ngā rā o mua ko te wē parāoa te pūtake o te hinu o roto i ētahi o ngā pani whakapaipai kanohi.
Ko ia te pūtake o taua kupu whakapae - nāna hoki i whakatō te kākano.
{
matamata , pī 2 (4
) , pū 3 (2
) , pūnga , pūtakenga , take , takenga }
4.
[Tūmatauenga] ing .
Te hanga tonu nāna i pā ai tētahi āhuatanga, te hanga rānei e whakamārama ana he aha i pā ai tētahi āhuatanga.
Ko te niho pirau te pūtake o te mamae.
E ui ana au i te pūtake o te riri, i huatakina ai te pakanga. (NM4 377, 3)
take
(3)
5.
[Ranginui & Papatūānuku] ing, āhua .
Tētahi o ngā tāngata i heke mai ai te tangata i roto i ngā tātai whakapapa, i tua atu i ōna mātua ake me ērā atu o tō rāua whakatupuranga.
He rangatira ōku pūtake katoa i te taha ki taku matua, he ware i te taha ki tōku whaea.
tupuna
pūtakea
[Ranginui & Papatūānuku] mahh .
Ka tīmataria mai, ka ara tuatahi mai.
E kore e tika taua tū rūri kia tīmataria i tētahi wāhi kotahi noa atu, engari me tīmata atu i te wāhi i pūtakea ai, ā ka mahia haeretia tonutia atu i reira ki te nuinga atu o te whenua. (WM 10, 21)
E whakapaetia ana i pūtakea mai te Mate Ārai Kore i te makimaki.
take
(4)
(takea)
