He Pātaka Kupu

hau mākato [Tāwhirimātea] ing, āhua .
Te hau ka pupuhi mai i te raki-mā-rāwhiti. Nā te hau mākato i heri te auahi ki te tonga-mā-uru.
pākihiroa

2. [Tāwhirimātea] ing .
Te hau e kōpaki ana i te ao kei runga ake i te whenua me te wai. He āhuareka ki a ia te piki maunga, kei reira te hau tino pai.
(hau takiwā)

hau kāinga [Papatūānuku] ing .
Te wāhi nō reira mai te tangata, kei reira anō ētahi mea e arohaina ana e ia. Ka ngau te aroha mō te hau kāinga i ngā wā e taka ai he mate i te whārua.
kāinga (1)

hau o te takiwā [Tāwhirimātea] ing .
Te hau e kōpaki ana i te ao kei runga ake i te whenua me te wai.
(hau takiwā)

hau takiwā [Tāwhirimātea] ing .
Te hau e kōpaki ana i te ao kei runga ake i te whenua me te wai. Ina pupuhi te hau, ko te hau takiwā tērā e rere ana i te mata o te whenua. { (hau o te takiwā ) , hau ¹ (2 ) }

3. [Tāwhirimātea] ing, āhua .
Te hau ka tukua e ngā pūkahukahu ki waho, e taea ana te rongo atu. Kei te ora tonu, ina e puta tonu ana he hau i te waha.
hā (1)

4. [Ranginui & Papatūānuku] pīa .
E tohu ana i tētahi momo haurehu. Ko te kupu 'hau' te tumu mō ngā ingoa haurehu. Ka tāpiria atu ki tērā he kupu hei whakaahua i tēnā, i tēnā momo, e puta ai he kupu pērā i te haukini, i te hau kōwhai, i te hau māota.

hau māota [Ranginui] ing .
He haurehu kākāriki-kōwhai te tae, he kanekane ki te ihu, he tāoke. (Tohu pūtaiao: Cl) . Whakamahia ai te hau māota hei whakatoki, hei patu anō i ngā moroiti kino i roto i te wai inu me te wai o te hōpua kaukau.

5. [Ranginui & Papatūānuku] ing .
He pata wai moroiti i te hau takiwā, ka takoto hei pata wai ririki ki te whenua me ētahi atu mata mātao o waho i ngā pō. Waimarie ko te hau anake, kāore i hauhunga - mēnā i hauhunga, kua kino ā tātou rīwai.
tōmairangi

hau²

1. -a, -tia -tanga [Ranginui & Papatūānuku] mahp, ing, āhua .
Ka kaha tonu te hiahia ki te mahi i tētahi mahi, ki te whai i tētahi kaupapa. E hau ana ngā tamariki ki te puta ki te hāereere, kua roa e raungaiti ana ki te whare.
ngākaunui

2. -a, -tia -tanga [Tāne] mahw, ing, āhua .
Ka mahi kia kitea mai tētahi mea e ngaro ana, e huna ana, kāore rānei e āta kitea atu ana. Ka roa ia e hau ana i tana waka i tōia atu rā e te ture.
kimi ¹

hau³

1. -nga -tanga [Rongo] mahp, ing, āhua .
Ka puta whānui (te kōrero, te rongo), ka puta ki tawhiti. Kua hau ngā rongo mō ana mahi pai ki tāwāhi rā anō. Ōku nei rongo kino hau ana ki tawhiti. (W 39) Hau ana te kupu a Tāwhiao ki ngā kokonga katoa o Waikato. { iri ³ (2 ) , koke , pakū , pāho , tāoro }

2. -a -tia -nga -tanga [Rongo] mahp, ing, āhua .
Ka rangona e te taringa, ka rangona whānuitia rānei. Ka hau te reo o te kaikōrero huri noa i te marae. { iri ³ (1 ) , pā ³ (2 ) }

3. [Rūaumoko] ing .
He oro ka pakō ake, ka tino rangona. Kua tāmarutia te rangi e te pōkēao, kātahi ka rangona te hau whatitiri e papā ana i te rangi.
rengapapā

4. -nga -tanga [Tūmatauenga] āhua, ing, mahp .
E mōhiotia whānuitia ana, e kōrerotia ana puta noa. He ingoa hau tēnei ingoa, e karangatia mai nei ki te taringa. (W 39)
rongonui

hau⁴

[Tāne] ing, āhua .
Te korou, te āhua, te tuakiri, o te tangata, o te whenua, o te aha atu. Ahakoa te mea ka pā atu te tangata, ka mahue atu he maramara hau ki reira. (W.39) Ka aohia e te tangata tōna hau i te wāhi e noho ana ia kia kore ai ia e taea te mākutu. E mōhio ana ahau kei te patu mai koe i a māua ko taku hau, e kore taku hau e riro i tō karakia. (W 39)

hau whitia [Whiro] ing .
Ngā kino ka hua mai i te whānako taonga. Utua te taonga i kī ai koe ka utua e koe, kei mate koe i te hau whitia.

hau⁵

1. [Tāne] ing, āhua .
Ngā kai ka whakamahia i te kawa pure, i te whakahoronga tapu rānei mō te whare hou, mō te waka hou. I ōna wā ka kainga ngā kai nei e te tohunga, he wā anō ka waiho mā ngā atua.

2. [Tūmatauenga] ing .
He wāhanga nō te tinana o te tūpāpaku ka mate i te pakanga, he mea rānei ka tangohia i tētahi wāhi (ahakoa kitea ana, kāore rānei e kitea ana) ka whakamahia i ngā karakia kia mauru ai ngā atua. Mā wai e kawe te hau o tō parekura nei? (W 39)

3. [Tūmatauenga] ing .
He tā kāramuramu ka whakamahia i ngā karakia matakite, hei tohu mō ngā iwi, mō ngā hapū rānei e whakarite ana i a rātau mō te pakanga.

hau⁶

1. [Tāne] ing .
He wāhanga ka toe mai ina oti tētahi mea te ine. E waru mārō ō taku taura me te hau. (W 39)

2. [Tāne] ing .
Te taha whakawaho o tētahi kokonga. Kei te hau o te taiepa te ara. (W 39)
ngao (3)

hau⁷

-a -tia -nga -tanga [Tūmatauenga] mahw, ing, āhua .
Ka patu ki tētahi taputapu e mau ana ki te ringa. Inamata e hāua ana ki te patu. (W 39)
hahau

hau⁸

[Tāne] ing .
He hanga papatahi ka tipu mai i te kiri o te manu, he tātā piako āhua mārō kei waenganui, he weu e rere ana i ngā taha e rua. Katoa ngā hau o te kōtuku he mā.
huruhuru (3)

hau⁹

1. [Tūmatauenga] ing .
He mea kei te tangata e mau ana, nāna ake, nōna ake rānei. Homai aku hau, ngā tītaha, ngā kōhua, ngā herehere o tōku pakanga. (W 39)
rawa ¹ (1)

2. [Rongo] ing, āhua .
He koha ka hoatu hei whakamihi i te tangata nāna tētahi koha mai ki a koe. Ehara i te taonga hau te kai e puritia nei e mātou, e Ngāti Toa. (W 39) He mīhini horoi kākahu tā rātou hau ki te iwi kāinga.
kaihaukai (2)

hau¹⁰

[Ranginui & Papatūānuku] ing .
He āhuatanga i te tinana e taea ai e te tangata, e te aha atu rānei te āta kori ake ki te mahi i tētahi mahi. Mahi ake ana, mahi ake ana, kore rawa i pau te hau. (TTR 3, 136)
ngoi ¹ (1)