paewai1
1.
[Tūmatauenga] ing .
He tangata nui te mana, he tangata whakahirahira.
Ko te tūngauru i te kei o te waka, mō te paewai tērā.
{
mātārae , tokānuku }
2.
[Tāne] ing, āhua .
Te popoki kei roto o te waka, e uhi ana i te hononga o te rauawa me te tahiwi.
Ka mahia ngā popoki o ngā niao, he paewai ērā. (W 246)
Ko te paewai kei roto, ko te henga kei waho.
paewai o te rangi
[Ranginui] ing .
Te pae e tūtaki ai te rangi ki te moana i tawhiti.
Kurehu ai te titiro te paewai o te rangi (W 246)
Ka titiro atu ki te moana marino, ka kitea atu hoki te tutumaiao i te paewai o te rangi (TT 1, 6)
3.
[Tāne] ing .
Te kōiwi kei te wāhi whakararo o te kanohi, e mau mai ana ngā niho o raro
Ka mekea te paewai, ka whati. (Ruka)
kauae
(1)
4.
[Tāne] ing, āhua .
Te kōiwi kei te pakihiwi e tūhono ana i te pākau ki te whaturei.
Ko ngā waewae, ngā ringa, me ngā paewai ngā kōiwi ka tere whati i te kēmu whutupaoro.
paemanu
(1)
5.
[Tāne] ing, āhua .
He rākau ka kawea e te ia o te wai, ka rukea mai rānei ki uta.
He paewai ngā rākau nei - i kawea rā runga i te wai, ka pae mai ki uta.
{
aihe , pakawai , pūwai }
6.
[Tāne] ing .
Tētahi o ētahi papa ka takoto whakapae ki waenganui, ki te taha whakararo o ngā poupou o te whare.
pāpaka
(5)
7.
[Tāne] ing .
He hanga rite ki te kakī mō runga i te tahā, i hangaia ki te rākau, i āta whakairohia a waho, he moani a roto, i waruwaruhia kia noho pai mai ai ki te waha o te tahā. I mahia he kōhao i te tapa whakararo o ētahi kia pai ai te tui atu ki ngā kōhao kua mahia mai ki te tapa whakarunga o te tahā.
Ka oti te tahā hue nei hei matua mō raro, hei maunga mō te paewai, tuitui rawa, mau rawa. (W 246)
ngutu
(4)
