whakaaro1
1.
[Ranginui & Papatūānuku] ing .
He āhuatanga (i tua atu i te kare ā-roto) ka hihiri ake, ka toko ake i te hinengaro, i te ngākau.
Ka mea atu a Ponga, 'Kei te raruraru kau noa iho aku whakaaro. E kore au e mōhio ki te aha, ki te aha' (Wh 2, 6)
Ka hoki ngā whakaaro o Āti ki ngā kōrero a tōna hākui. (TO 2)
{
huatau 2 , mahara }
2.
[Tūmatauenga] ing .
Te mea e whakaarotia ana, e whāia ana kia tutuki.
Ko te whakaaro ia o ngā iwi e hāpai ana i te Kotahitanga i runga i ngā motu e rua nei, he kawe i te mana motuhake ki Ingarangi, mā te Pāremata o reira e mahi mai he ture mō tātau. (PH 6, 32)
whāinga
(5)
3.
[Tūmatauenga] ing .
Te titiro me ngā ariā o te tangata ki tētahi kaupapa, heoi, ehara i te mea e mōhio tūturu ana, e tino mātau ana rānei ki taua kaupapa.
Koinā tōku whakaaro, engari kei a koutou te tikanga.
Nōu anō ōu whakaaro mō te whakapakeke tamariki, nōku anō ōku.
4.
[Tūmatauenga] ing .
He whakaritenga ka whakatakotoria hei whai mā te tangata e tutuki ai tētahi āhuatanga.
Kāore i roa ka puta te whakaaro i te komiti whakahaere e whakaatu ana pēhea te āhua o te whare hou.
tikanga
(3)
5.
-hia -tia -tanga
[Tāne] mahp, ing, mahw, āhua .
Ka hihiri ake, ka toko ake he āhuatanga (i tua atu i te kare ā-roto) i te hinengaro, i te ngākau.
E whakaaro noa ana au he pai ake pea mēnā ka haere takitahi atu tātou, kia kore ai ia e hēmanawa.
Me āta whakaaro i mua i te kōrero, kei noho ko te whakamā kē te kai.
{
hua 3 (5
) , huatau 1 (4
) , kī 1 (5
) , mahara , mea 1 (5
) , tohu 2 }
6.
-hia -ngia -tia -tanga
[Tāne] mahw, ing, mahp, āhua .
Ka āta tirotiro, ka āta poipoi ki te hinengaro.
Taihoa, kei te whakaaro tonu au ki ngā ingoa katoa kua whakaarahia ake.
whakaaroaro
ing .
Ko te tau mai o te māramatanga ki te hinengaro me te ngākau o te tangata.
Kia pakari te whakaaro o ngā tamariki i roto i Te Aho Matua, nō rātou te ao hurihuri.
