whāinga1
1.
[Tūmatauenga] ing .
Te whakamau, te whakaaro kino, te noho hoariri tonu ki tētahi atu.
E kore e tau anō te rangimārie ki taua tari kia tanumia rā anō ngā whāinga.
{
pukuriri , riri , whakariri }
2.
[Tūmatauenga] ing .
He whiunga kupu tētahi ki tētahi me te pukuriri anō.
He iti te whāinga, he nui te paremata. (W 484)
tautohe
(4)
3.
-tanga
[Tūmatauenga] ing, mahp .
He karakia hei hiki i te tapu.
I mea ia kia patua he tangata hei whāinga mō tōna whare. (W 484)
4.
[Tāne] ing .
He mahi, he kaupapa rānei e tūmanako ana te tangata, te rōpū rānei ka tutuki i a ia, mā roto tonu i āna whakapaunga kaha.
Ko te whāinga a te kuia, kia whiwhi ia i tana tohu mātauranga i roto i te whā tau.
Ko te whāinga a te Rōpū Kōkiri, kia wātea te rārangi nei ki te katoa i te Ipurangi. (HM 11, 2)
whāinga paetae
[Tāne] ing .
Tētahi o ngā kōrero i ngā marautanga o te kura e tohu ana i ngā mea e tika ana kia taea e te ākonga i tēnā taumata, i tēnā taumata.
Ka whakarite te kaiako i ana akoranga kia taea ai ngā whāinga paetae e ngā ākonga.
5.
[Tūmatauenga] ing .
Te mea e whakaarotia ana, e whāia ana kia tutuki.
Ko te whāinga o taua rā, kia tau te rangimārie i waenga i ngā whānau nei, engari he aha rā, ka kaha kē atu te toheriri.
{
koronga , whakaaro }
