he1
[Tāne] pmu .
Ka tū te kupu nei i mua tonu i te tūingoa, e whakaatu ana i tētahi hanga, i ētahi hanga rānei kāore i āta tohua ko tēhea rawa, ko ēhea rawa e kōrerotia ana.
Tēnā koa homai he pene.
Kua katohia he putiputi hei hari atu ki te urupā.
Me tiki he wai mō te tūroro.
hē1
1.
-nga
[Ranginui & Papatūānuku] mahp, ing, āhua .
Kāore i tika te mahi, te kōrero, te whakaaro, te aha atu rānei.
Nā reira e mōhiotia kei te hē te murunga o ngā whenua Māori, ā, he tika nei tā rātou whawhaitanga. (KRK 7)
Kei te hē tēnei kōrero, he kōrero kūware tēnei, nō te mea he tohu te kōrero ngahau nō te iwi mātau, nō te tangata mātau. (KRK 7)
{
pape }
2.
-nga
[Ranginui & Papatūānuku] mahp, ing, āhua .
Kāore i tika te whakaaro, ka whakaaro e pēnei ana, engari e pērā kē ana.
Kua hē noa iho ngā whakaaro o ngā tāngata o runga i a Te Arawa. (E kōrero ana mō tō rātou pōhēhē he kura ngā pua o te pōhutukawa.) (W 43)
pōhēhē
(1)
e hē
[Tāne] thu .
He kupu tū motuhake e whakaatu ana i te kore e whakaae o te kaikōrero ki tētahi kōrero kua puta.
Tama: He aha koe e hiaruaki nā - kua hapū koe? Ani: E hē!
3.
-nga
[Ranginui & Papatūānuku] mahp, ing, āhua .
Ka hē ngā whakaaro i te mea kāore e mōhio he aha te aha, me aha rānei.
Kua hē katoa ngā whakaaro, kua kore e mōhio me aha ia.
pōraruraru
(1)
4.
-nga
[Ranginui & Papatūānuku] mahp, ing, āhua .
Ka pā tētahi āhuatanga e puta ai he hua āhua kino ki te tangata, e kīia ai rānei i mahia e ia tētahi mahi kāore i tika.
Kei patua huakoretia hoki te tangata, i runga o te ngākau oho, o te whakatakariri, a muri iho ka kitea, he tangata kē nāna i whakamate, kātahi ka hē rawa, ka tokorua ngā mea hara kore ki te mate. (Ha 2, 8)
raru
(1)
5.
-nga
[Tāne] mahp, ing, āhua .
Kua riro te mauri ora, kua kore i ora.
Tae rawa atu tana iwi ki te wāhi i patua ai ia, kua hē noa atu.
mate
(1)
6.
-nga
[Tāne] mahp, ing, āhua .
Kāore i pā (tētahi hanga rere) ki te mea i hiahia rā te tangata kia tika i a ia.
Ka hē te kariri, oma tonu atu te rāpeti ki te tuakaihau.
hihipa
7.
-tia -nga
[Tāwhirimātea] mahp, ing, āhua .
Kāore e tutuki pai, e eke rānei ki te taumata e tika ana, e kimihia ana.
Kāore au i whiwhi i te 50 ōrau i te whakamātautau, nā reira, ka hē pea.
paheke
(2)
8.
[Ranginui & Papatūānuku] ing, āhua .
He āhuatanga e māharahara ai te tangata, i te mea e whakauaua ana i tētahi mahi, i tana noho rānei.
Ko tētahi anō wāhanga o tātou kei te kī he aha te hē o te whātoro atu i te kupu a Pākehā, ka huri hei kupu Māori pērā i te wā i ō tātou kaumātua? (HM 5, 4)
raruraru
(5)
hē ngā rā
[Tāwhirimātea] kīa .
E tohu ana kua wareware noa iho te tangata, kua pōraruraru rānei ngā whakaaro.
Kua hē ngā rā o te kuia rā - kua kore ia e mōhio ko tēhea rā o te wiki tēnei.
9.
[Tāwhirimātea] ing, āhua .
He āhuatanga kāore i tika i te kore e mōhio, i te kore rānei e whakaaro ki te mea tika.
He nui ngā hē i roto i te tuhinga o ngā kōrero o te hui, he hapa patopato ka tahi, he hē nō te kapo atu a te kaituhi i ngā whakaaro o ngā kaikōrero ka rua.
Nōku te hē - i taku kore e kī atu me tango rawa ō rātou hū.
