paheke1
1.
-tanga
[Tāwhirimātea] mahp, ing, āhua .
Ka hinga me te rere i te mata (o tētahi wāhi) mō tētahi wā poto i te kore e ū pai (o ngā waewae, o te aha atu rānei) ki taua mata; ka taka (tētahi mea) i te kore e mau kia tina.
Ka tae ki te awa ka paheke i runga i te kōwhatu; koia Te Kōwhatu-pāremoremo. (W 267)
I te mākū o ana ringa, ka paheke te kapu, pakaru rikiriki ana i te papa.
{
kaheko , kareko , karengo , kōhuhu , manini 1 , mania , niania 1 , pakuku , paremo , parengo , peo , tapepe }
2.
-a -nga
[Tāwhirimātea] mahp, ing, āhua .
Kāore e tutuki pai, e eke rānei ki te taumata e tika ana, e kimihia ana.
Tēnā ko te toa mahi kai e kore e paheke. (W 247)
{
hē , makere }
3.
-tanga
[Ranginui] mahp, ing, āhua .
Ka āta rere iho ā-kōpata noa nei.
Ka rau aku mahara mō te roimata rā e paheke i aku kamo. (W 247)
māturu
4.
-tanga
[Papatūānuku] ing, mahp, āhua .
Te toto me ōna anō para ka rere i te whare tangata i ia marama, ki te kore te wahine e hapū.
Ko te kōrē te hanga o mua hei hopu i te paheke ka pā ana te mate wahine.
waiwhero
5.
[Tāne] ing .
He harore taringa te hanga.
Auricularia polytricha
hakeke
(1)
