tuarā1
1.
[Tāne] ing .
Te wāhanga whakamuri o te tinana mai i te kakī ki te hope .
Aku hoa takatāpui i te wā e tamariki ana, he waewae hape tētahi, he tuara hake tētahi. (TT 42, wh171)
{
tua , tuaiwi , tuara }
tuarā wharau
[Tāne] ing .
Te tuanui o te wharau.
Kia taramatanui te tuarā wharau. (Te Haumihiata)
2.
-tanga
[Tūmatauenga] ing, mahp, āhua .
He tangata, he huinga tāngata rānei ka whawhai tahi me tētahi atu, ka tautoko rānei i tētahi atu.
Nō te Tūrei ka utaina atu i konei ngā Pākehā Mirihia e rima tekau, kia kawea e taua tima ki Waiapu hei tuarā mō ngā Māori Kuīni o reira hei riri ki te Hauhau. (WMA 3, 55)
haumi
(1)
3.
-tanga
[Tāne] ing, mahp, āhua .
He taonga, he tangata, he aha atu rānei ko ia e kaha tautoko ana, e whakakaha ana i tētahi atu mea, ko ia tōna oranga.
Ko ngā pākeke tēnā hei tuarā mōna i roto i te mahi whaikōrero nei, e āwhina atu ana, e tohutohu ana i a ia. (PR 47)
pou
1
(2)
4.
-tia -tanga
[Rongo] mahw, ing, āhua .
Ka tautoko i tētahi atu i roto i tētahi mahi, ka pīkau rānei i tētahi wāhanga o te mahi, hei whakamāmā i te wāhi ki a ia.
Me haere tāua ki muri ki te tuarā i te ringawera.
āwhina
tuarā kurī
[Tangaroa] ing .
He tauira pākati e whakaahua ana i ngā huruhuru ka tū mai i te tuarā o te kurī.
He taimana te āhua o te tuarā kurī.
