hoa1
1.
[Rongo] ing .
He tangata e mōhio pai ana koe, e tino rata ana koe, ā, ko ia e whakaaro pērā ana mōu (hāunga pea te hoa moe).
Ka nui tana pōuri i te matenga o tana hoa piripono.
I hiahia te tamaiti kia haere katoa mai ana hoa ki tana rā huritau.
2.
[Ranginui & Papatūānuku] ing .
Tētahi o te tokorua kua mana tā rāua noho tahi.
I mārenatia māua ko taku hoa i tērā tau.
(hoa rangatira)
hoa ngangare
[Tūmatauenga] ing .
He tangata, he aha atu rānei e toheriri ana ki tētahi atu, ko te hiahia ia kia hinga, kia mate atu rānei i a ia.
Ka tupu te whakaaro me heke rātou ki te tonga, kia tawhiti atu i te hoa ngangare. (Te Awanuiārangi Black TTR 4, 330)
hoariri
hoa rangatira
[Ranginui & Papatūānuku] ing .
Tētahi o te tokorua kua mana tā rāua noho tahi.
Nā kōrua ko tō hoa rangatira ēnei tamariki?
{
hoa 1 (2
) , hoahoa 2 , makau 1 (1
) , tahu 3 (2
) , tau 3 (2
) , āwhai }
hoa tāne
[Tāne] ing .
Te hoa rangatira o tētahi wahine.
I reira hoki, ka tūtaki a Hoani Wiremu Hipango ki a Arapeta Te Piriniha, te hoa tāne o Kuīni Wikitōria. (Wh 16, 1)
tāne
(2)
hoa wahine
[Papatūānuku] ing .
Te hoa rangatira o tētahi tāne.
Nā, ko Māui te tamaiti whakamutunga a Makea Tūtara rāua ko tōna hoa wahine, ko Taranga. (Wh 2, 1)
wahine
(2)
hoa whawhai
[Tūmatauenga] ing .
He tangata, he aha atu rānei e toheriri ana ki tētahi atu, ko te hiahia ia kia hinga, kia mate atu rānei i a ia.
Kia mataara koutou e hoa mā, kei te hāereere tō koutou hoa whawhai.
hoariri
hoa2
1.
-ina -nga
[Tāne] mahw, ing, āhua .
Ka āta whakatau tōmua i ngā āhuatanga whāiti e tutuki pai ai tētahi kaupapa.
Ka hoaina te whare, kātahi ka hoatu ki ngā kāmura kia tika ai te hanga.
whakarite
(6)
2.
-nga
[Tāne] ing, mahp, āhua .
Te āhua o te rōnaki (o te tuanui).
Poupou tonu te hoa o te whare nei. (W 54)
hoahoa
1
(3)
3.
[Tāne] ing .
He tānga o te āhua o tētahi whare kāore anō i hangaia, e whakaatu ana i ōna āhuatanga matua.
hoahoa
1
(2)
hoa3
1.
ia
[Tāne] ing .
He ingoa whānui mō ētahi karakia maha tonu.
hoa rākau
[Tūmatauenga] ing .
He karakia ka whakahaeretia mō ngā rākau whawhai i mua i te pakanga.
mata
3
(2)
(mata rākau)
hoa tapuwae
[Tūmatauenga] ing .
He karakia hei whakatere ake i te oma a te tangata.
Nā te hoa tapuwae i mau ai a Hiwikai i a Te Waitere i Kaiwaewae.
Anei te hoa tapuwae: Tēnei au, tēnei au te hōkai nei i taku tapuwae, ko te hōkai-nuku, ko te hōkai-rangi. (H 34)
{
māhuruhuru }
2.
-ia -nga
[Tūmatauenga] mahw, ing, āhua .
Ka taki i ēnei momo karakia.
Kātahi ka hoaia e Tāmure ki te paepae o tōna whare. (W 55)
3.
-ina -nga
[Tūmatauenga] mahw, ing, āhua .
Ka mahi ki te whakatutuki i tētahi kaupapa ki ēnei momo karakia.
Tē kaha ia te whai i taua tangata, kātahi ka karangatia ki tana wahine, ki a Rongotiki, hei hoa i ōna tapuwae. (W 55)
