tika1
1.
-nga
[Tūmatauenga] āhua, ing, mahp .
E whai ana i te aronga kotahi, kāore e tahuri kē, kāore he piko.
Ko te huarahi o Hākawau ka tika i Haronga, ka haere ki Āwhitu. (W 416)
tōtika
2.
-tia -tanga
[Tāne] tūkē, mahp, āhua .
Ka kotahi atu, kāore he pekanga, he taiāwhionga, he kotititanga i te rerenga atu.
Ina mutu te kanikani kaua e kotiti haere. Me hoki tika mai ki te kāinga. (Wh 17, 2)
Te taenga o Ikatāmure ki reira, haere tika tonu ki tana matua. (IwiT 32:2)
Ka tīmata ki Waipapakauri, haere tika tonu atu ki Mangatete, haere tonu i runga i te huanui a te Kāwanatanga ki Kaitāia. (WM 8, 14)
Tērā a Tūmatangaua, i tōna mōhio ki te āhua, kua mau mai i a ia a Roroihape, ā, haria tikatia ana e ia ki a Waikari. (IwiT 28:14)
hāngai
(3)
3.
-nga
[Tāne] āhua, ing, mahp .
E whai take ana, i takea mai i ngā pūtake e mōhiotia ana he pono, e whakaarotia ana rānei he pono, he tōtika .
Ka mea atu a Māuipōtiki, 'E tika ana anō ēnā kupu.' (W 416)
4.
-nga
[Tāne] āhua, ing, mahp, tūkē .
E ū ana ki te pono, e ū ana rānei ki ngā pūtake e mōhiotia ana, e whakaarotia ana rānei he pono.
E rua ngā mea kua rongo au - he mea āta pana ia i tana mahi, i rihaina noa iho rānei. Ko tēhea te kōrero tika?
5.
-ina -nga
[Tūmatauenga] mahw, ing, āhua .
Ka pā kaha atu (tētahi hanga) ki tētahi mea, i te nuinga o te wā e raru ai taua hanga nāna te mahi.
Ka taea mō ngā mahi pokerehū anake.
Ka hinga te kuia rā, ka tika te māhunga ki te raima, hemo tonu atu.
Ka hiki tana pū, ka pakū, kāore tonu i tika i a ia he manu.
6.
[Tūmatauenga] ing .
He mea e tōtika ana anō kia wātea mai ki a koe, kia āhei rānei koe ki te mahi.
Tuarua, i rite rānei ngā tika o te tamaiti whāngai ki ngā tika o ngā tamariki tupu? (PH 5, 1)
Mā taua tikanga e tau ai ki runga ki ngā Māori, ētahi tika rite tonu ki ngā tika me ngā mana e mau nei ki te iwi Pākehā, e noho ana i ēnei motu. (WMN 1, 8)
Ka tohe anō a Heke kia mau tonu ngā tika o te iwi me te mana Māori. (TTR 1, 7)
{
motika , tikanga }
