tautoko1
1.
-na -tia -tanga
[Tāne] mahw, ing, āhua .
Ka whakatū i tētahi hanga pērā i te pou ki raro, ki muri rānei i tētahi atu mea, kia noho rewa tonu taua mea, kia kore ai rānei e hinga.
I whakatūria te pou rahi ki waenganui hei tautoko i te taiapa.
toko
1
(4)
2.
-na -tia -tanga
[Tūmatauenga] mahw, ing, āhua .
Ka āwhina i tētahi atu ki te whakatutuki i tētahi mahi, ki te waha i tētahi taumahatanga, ka whakaae rānei ki tāna e whai rā.
Ki te kore ngā mātua e tautoko i tēnei kaupapa, tērā tonu pea ka hinga.
I te matenga o tana hoa, ka riro mā ana hungarei a ia e tautoko, e awhi.
Tokorua noa iho ngā tāngata kāore i tautoko i te mōtini.
{
piki 3 (2
) , taunaki , taupua , tautāwhi , toko 1 (3
) , ukauka }
tautoko ā-pūtea
-tia -tanga
[Tāne] mahw, ing, āhua .
Ka utu mō te katoa, mō tētahi wāhanga rānei o tētahi kaupapa hākinakina, kaupapa toi, kaupapa reo irirangi, pouaka whakaata rānei, ā, i te nuinga o te wā ka whakatairangatia te ingoa o te kaitautoko i roto i taua kaupapa.
Nā Auahikore ngā whakataetae kapa haka o te motu i tautoko ā-pūtea, koirā i whakairia ai ā rātou pānui ki te atamira.
3.
-na -tia -tanga
[Tāne] mahw, ing, āhua .
Ka mahi kia noho wehe, kia noho tawhiti, tētahi i tētahi.
Ka tautokona te tamaiti i pāria e te mate kia kore ai te mate e rere ki ana hoa.
4.
-na -tia -tanga
[Tūmatauenga] mahw, ing, āhua .
Ka whakaohooho i te ngākau o tētahi atu me te whakahau i a ia kia mahi i tētahi mahi taikaha, tētahi mahi rānei e takahi ana i te ture.
Nā ngā kupu kino a tō rātou kāpene mātou i tautoko kia whawhai ki tana tīma. (W.404)
whakakā
(1)
