tauira1
1.
[Tāne] ing, āhua .
He tangata pūkenga ka whāngai i ōna mātauranga ki ētahi atu.
Hei whakakite māna ki ia tangata, ki ia tangata kia waiho ai ia hei tauira. (W 398)
2.
[Tāne] ing .
He tangata kua piki ake i te taumata ki te tāura, tērā pea ka noho ia hei kaiāwhina mō te tohunga tūāhu, mō te tohunga taua rānei.
3.
[Tāne] ing, āhua .
He tamaiti, he tangata rānei e whai ana i te mātauranga i tētahi whare ako.
Ka whakaaritia e ngā tauira te takenga mai o te ahi ki te ao.
ākonga
4.
[Tangaroa] ing .
He hoahoa whakarākei mō te tukutuku, mō te kōwhaiwhai, mō te raranga mō te aha, mō te aha .
He tauira tukutuku, he tauira whakairo anō te waewae pākura.
5.
[Ranginui] ing .
Te whetū e mahana ai tō tātou ao, ka ara ake i te pae rāwhiti i ngā ata, ka tō ki te uru i ngā ahiahi. E taiāwhiotia ana e Papatūānuku me ērā atu o ngā aorangi o tana whānau. Ko rāua ko te marama ngā tūpuna o ngā mea maha i roto i ngā whakapapa.
Kupu whakarite .
Korikori tāua, ka taka tauira. (W 398)
rā
1
(1)
6.
[Tangaroa] ing .
He tangata, he tikanga, he aha atu ka whāia, ka tāwhaitia e te tangata.
Ko te tino tauira o te tamariki, i a ia e tamariki ana, ko tōna whaea. (WM 10, 7)
Koirā kē te tino tauira o ngā kura e hiahia ana kia waiho ko te reo Māori hei reo whakaako. (HM 6, 3)
I te whakapaunga o te tau 1826, tēnā noa atu te hua o ana kai - te rīwai, te kānga, te kamokamo, te paukena, te merengi, te aniana, te riki, te pī, me te pāhinipi. Noho ake ana hei tauira mā ētahi atu. (TTR 1, 140)
7.
[Tūmatauenga] ing .
He mea e whakaatu ana pēhea te hanga o tētahi mea, me pēhea rānei te whakamahi i tētahi mea.
E iri mai rā he tauira pakupaku o taua waka rererangi i tana tuanui.
He maha ngā tauira o tērā momo ngārara kei te whare pepeke.
Haria mai he tauira o ō waiata hei whakarongo mā rātou.
Me hoatu anō he tauira kōrero, kia mārama ai te kaipānui pēhea rawa te whakamahi i te kupu.
8.
[Ranginui & Papatūānuku] ing .
Te mea ka oti mai ina tāruatia tētahi hanga.
Ka tangohia te pukapuka i te whare pukapuka, ka whakaahuatia he tauira o taua mahere whenua tawhito māna ake.
Ka hangaia he tauira o te kōpae puoro ki tana rorohiko, hei hoatu ki tana hoa.
{
kape 3 (2
) }
9.
[Tangaroa] ing .
He mahi tuatahi, he mahi tōmua kia whakatikaina, kia whakapaipaitia ake ā tōna wā; tētahi o ngā āhua maha o tētahi mea i tāraia, i hangaia.
He tauira noa iho tēnei, kia whakaurua katoatia ngā whakatikatika, kia whakakīia ngā whāwhārua, ka puta ki te motu whānui.
E hia kē ngā tauira o te Tiriti o Waitangi i tuhia, ehara i te mea kotahi noa iho.
I tētahi o ngā tauira o te pakiwaitara, ka oraiti a tuahangata, i tētahi ka mate.
[Tāne] ing .
He kupu whai tikanga ka whakahuatia tahitia i ngā karakia me ētahi atu kupu pēnei i te tama, atua, tohunga, kete, me ētahi atu kupu pēnei.
Ēnā ngā atua, ēnā ngā pu, ēnā ngā take, ēnā ngā tauira, ō karakia mana. (W 398)
