hiki1
1.
hīkina, -tia, -na -nga -tanga
[Tāne] mahw, ing, āhua .
Ka mahi kia neke whakarunga (tētahi mea).
Tēnā hīkina ō waewae, e kare, kia pai ai taku tahitahi i te papa i raro i tō tūru.
{
ara 2 (1
) , eke , huataki , hī 1 (2
) , hāpai , kōranga , mairanga , riaki , riariaki , waha 2 (2
) , whakaara , whakaikeike , whakakaurera , whakatāiri }
2.
-na -tia -nga -tanga
[Papatūānuku] mahw, ing, āhua .
Ka kawe haere (i te kōhungahunga) me te awhi anō.
Ka hiki a Māmā i tana pēpi kia mutu ai te tangi.
{
morimori , rapoi , rapou , whakairo }
3.
hīkina, -tia, -nga, -tanga
[Tūmatauenga] mahw, ing, mahp, āhua .
Ka hari ki wāhi kē noho mai ai.
Nā wai aku pēke i hiki?
tango
(2)
4.
hīkina -tia -nga -tanga
[Tūmatauenga] mahw, ing, āhua .
Ka kawe haere (i tētahi mea) i ngā ringaringa.
Ka hiki i tana pēpē huri i tana whare, kāore tonu e mutu te tangitangi a tēnā tamaiti.
hikihiki
(1)
5.
-tia -na -nga -tanga
[Ranginui] mahw, ing, āhua .
Ka whakatau ki te waiho (i tētahi take kua whakaritea) mō muri i te wā i whakaritea tuatahitia ai tū ai.
Ko ngā huihuinga tangata mō ngā take Māori, me hiki kia wātea rawa te mate nei. (TT 43, wh188)
Tiamana. Me hiki te Komiti i nāianei mō te 11 karaka i te ata o te Tūrei te 4/9/98. (PH 1, 19)
{
whakahoro }
6.
-nga -tanga
[Ranginui & Papatūānuku] mahp, ing, āhua .
Ka tupana te tinana i te tumeke, i te pānga o tētahi āhuatanga matawhawhati.
Ka tika mai te manu ki te matapihi, ka hiki taku poho.
ohorere
(1)
7.
-nga -tanga
[Whiro] mahp, ing, āhua .
Ka hē, ka mahue rānei he kōrero i te wā e karakia ana.
He aitua tō tāua, i hiki taku karakia. (W 49)
8.
-nga -tanga
[Ranginui] mahp, ing, āhua .
Ka piki, ka neke rānei ki runga.
Kātahi ka rere katoa te kāhui ka hiki ake ki te takiwā. (KRK 172)
ara
2
(2)
9.
hīkina, -tia -nga, -tanga
[Tāwhirimātea] mahp, ing, āhua .
Ka rerekē te wāhi noho, ka haere atu i tētahi wāhi ki tētahi atu.
Ko te whakatatūtanga, me hiki ngā kōiwi i tāpuketia ki reira ki wāhi kē. (TTR 4, 19)
neke
(1)
10.
-nga -tanga
[Tūmatauenga] mahp, ing, āhua .
Ka wehe mai, ka wehe atu rānei (i tētahi haere).
Ao ake ka hiki mai ia i Heretaunga.
whakatika
(3)
11.
-nga -tanga
[Tangaroa] ing, mahp, āhua .
He karakia hei whakaara ake i tētahi mea i te wai.
Kātahi ia ka hāpai ake i tana hiki ake mō tana ika kia maiangi ake. (W 49)
12.
-nga -tanga
[Tāne] ing, mahp, āhua .
He karakia kia heke tētahi iwi ki wāhi kē, hei whakakore rānei i te tapu i ngā ringaringa.
13.
[Tāne] ing .
Te hononga i waenganui i ngā wāhi e rua o tētahi whāriki.
Tata kore ana ngā hiki e kitea, he tohunga nō te kairaranga ki tāna mahi. (Ruka)
