pai1
1.
-nga
[Ranginui & Papatūānuku] āhua, ing, mahp, maho .
E rite ana, e eke ana ki tērā e hiahiatia ana, e whakaaetia ana, e manakohia ana.
Heoti te kai pai o ngā kai katoa he huahua. (W 249)
He tino pai tō mahi e tama.
Kaua e rahi rawa te wai ki roto i te pāta. He pai hoki te wai mō te inu pēnei i te hupa. (HP 15)
2.
-nga
[Ranginui & Papatūānuku] āhua, ing, mahp .
E hāngai ana, e tōtika ana ki ngā whakaaro o te tangata.
E pai ana tērā, otiia me tahuri mai hoki rātou ki te whakakaha i tēnei mahi nui. (WM 12b, 20)
Ka tangohia mai ngā mea pai, ka waiho atu ngā mea kino.
3.
-nga
[Ranginui & Papatūānuku] āhua, ing, mahp .
E hāngai ana, e tika ana, mō tētahi tangata, mō tētahi kaupapa, mō tētahi wā rānei.
He tāngari kē te kākahu pai mō te kutētē kau.
Ko ia kē te mea pai o māua hei kaikōrero - kāore hoki ōku take ki tērā mahi.
{
aronui , arotau , haratau , huatau 1 (2
) , koi 3 , rawe 1 (2
) , āhumehume , ātaahua }
4.
-nga
[Ranginui & Papatūānuku] āhua, ing, mahp .
E rawe ana ki te ngākau, ki te karu, ki te taringa rānei.
Pai ana tērā te rangi o tana waiata - ka mau tonu ki te hinengaro.
āhuareka
(2)
5.
-nga
[Ranginui & Papatūānuku] āhua, ing, mahp .
E ātaahua ana ki te titiro atu, e noho ana hei kai mā te mata.
Ahakoa he kākahu pai ō ētahi, he kākahu kino tō Paoa. (W 249)
He pai kai e kore e roa te tirohanga; he pai kanohi e roa te tirohanga. (TT 21, wh9)
purotu
(3)
6.
[Rongo] ing .
Te whai rawa, te whai moni, te noho tōnui.
Ka whai te kino i te hunga hara; ko te utu ia ki te hunga tika, he pai. (PT Wha 13.21)
tōnuitanga
7.
[Tūmatauenga] ing .
He āhuatanga e pai ake ai, e whai take ake ai tētahi mea.
Ko te pai o te noho tonu ki te kāinga o aku mātua, kāore au e utu rīhi.
hua
1
(9)
8.
-ngia -tia -nga
[Ranginui & Papatūānuku] mahw, ing, āhua .
Ka rata, ka whakaae, ka āhuareka (te ngākau) ki tētahi mea.
Ko tāna e whai ana kia pai mai ngā mātua o tana whaiāipo ki a ia.
He tino pai ki a au tō mātau rōpū. (HP 44)
Kotahi pea te mahi kāhore i pai ki a au, ā, ko tērā ko te tiki wahie mā runga i te panuku. (Wh 55, 3)
{
manako , ohia }
9.
-ngia -tia -nga
[Ranginui & Papatūānuku] mahw, ing, mahp, āhua .
E whakaae ana ki tētahi āhuatanga, kia mahia rānei tētahi mahi.
E kore ia e pai kia rere kau ki mua o te aroākapa o te haka. (W 249)
'E hine, e kore rānei koe e pai ki tēnei tangata hei hoa mōu?' Ka mea mai te kōtiro, 'E pai ana'. (W 249)
pai2
[Tāne] ing .
He tipu e 60 henemita te tupu.
Aciphylla squarrosa
karamea
(2)
pai3
[Ranginui] āhua, ing, mahp .
E paki ana, e hora ana te marino (o te rangi) .
He rangi pai, he rangi mārie, he rangi ātaahua.
{
papai }
