noho1
1.
-ia -ngia nōhia -nga
[Tāne] mahp, ing, mahw, āhua .
Ka waiho mā te kumu e kawe te taumaha (o te tangata), kaua ngā waewae, me te matika tonu o te tuarā; ka waiho mā te kumu e kawe te taumaha (o te kararehe), me te piko o ngā waewae o muri.
Ka kuhu atu te manuhiri i te wharekai, ka noho, ka kai.
Whakahaua te kurī kia noho, kātahi ka hoatu i ana kai.
Te rākau e nohoia nei e Maru. (W 223)
2.
-nga
[Papatūānuku] mahp, ing, āhua .
Ka pūmau ki tētahi wāhi, ki tētahi āhua rānei, kāore e haere ki wāhi kē, kāore e rerekē te āhua.
Kua noho atu ki reira ā te pō nei, ka hoki mai āpōpō.
Ka noho tonu taua whakaaro ki roto i a ia.
Ki te takaia ki te nūpepa, ka noho mātao mō tētahi wā roa tonu.
{
tū 1 (2
) }
e noho rā
[Tāne] kīa .
He kupu poroporoaki nā te tangata e haere ana ki tētahi, ki ētahi rānei e noho tonu ana.
E noho rā, e kare mā - kua hoki au.
3.
nōhia -nga
[Papatūānuku] mahp, ing, mahw, āhua .
Ka whakamahi i tētahi wāhi hei kāinga, hei torotoronga rānei.
Kua tekau tau au e noho ana ki taku punua kāuta i te taha o te moana.
Kātahi ka nōhia taua wāhi. (W 223)
Ko te au rā i nohoia e te tākupu. (W 223)
Taki haere ai rātau ki roto i ngā hōtēra e nōhia ana e ngā tūruhi e tata tonu ana ki ō rātau kāinga i Ōhinemutu (TTR 4, 1)
4.
-nga
[Tāne] mahp, ing, āhua .
Ka rerekē, ka rerekē haere rānei tētahi hanga, i te mutunga iho kua tū mai he hanga kē noa atu.
Kua noho te koroua whare rā hei kōhanga reo.
Ko te tikanga o tēnei kupu, o 'aotea', he pai; koia ka noho hei kupu pepeha mō te pāua pai te hua, mō te manu pai te ngākau, he huatea, he 'aotea'. (NM4 333, Kwm)
riro
(3)
5.
nōhia -nga
[Ranginui & Papatūānuku] mahw, ing, āhua .
Ka piri te tāne ki te wahine hei hoa pūmau, i ngā wā o mua, i runga anō pea i te whakaae o te whānau, o te hapū, o te iwi.
Ka noho a Tū i a Hine, ka puta ā rāua tamariki tokowhā.
moe
(4)
