a1
[Tāne] pmu .
He kupu ka noho mai ki mua i te ingoa tangata, te ingoa wāhi me ngā tūkapi 'mea' me 'wai', ina tū ēnei hei tāhū mō tētahi rerenga, ina whakarārangitia rānei ēnei; ki mua i te ingoa tangata me te tūkapi (hāunga anō te 'ahau' me te 'awau') i muri i ngā pūtūmua 'i', 'ki', 'hei', 'kei'.
Kei te moe tonu a Hine.
Kei a wai taku pukapuka?
I reira a Hāmoa, a Rarotonga, a Whiti.
Kei te kōrero au ki a Wira āpōpō.
Kei a ia tonu taku pōtae.
Kei a ia tonu taku pōtae.
a2
[Tāne] pmu .
E tohu ana i tētahi mea e whakahaeretia ana e tōna anō rangatira, hei tauira, ko te mahi, ko ngā mea e māmā ana ki te neke, te tamariki, te mokopuna, te tāne moe, te wahine moe, te pononga, te kōrero ā-waha, ngā mea i hangaia e te tangata, me te kai (engari kaua te wai māori e inumia ana me te rongoā).
He pērā anō te tikanga o ngā kupu 'nā', 'tā', 'ā' me te 'mā', me ngā hononga o ēnei ki te '-ku', te '-u' me te '-na', hei tauira, 'nāku', 'tāu', 'māna', me te katoa o ngā pūriro o te rōpū-'a'. Ko ērā atu o ngā pūriro e kīia ana he rōpū-'o'.
Tokowhā ngā tamariki a Pare.
Ngā Kurī-a-Whārei.
Ka pai ngā kōrero a Tihi.
Ehara nāu ēnā taputapu, nō reira āta tiakina.
a3
[Tāne] thu .
He kupu ka whakahuatia kia aro mai te tangata e kōrero atu ana koe.
A! Kāti te turituri! (W 1)
A, kua tae mai koe.
ā
7
a4
[Tāne] thu .
E whakataki ana i tētahi whakaaro e whakatakoto wero ana ki te kaiwhakarongo.
A tēnā, kei whea āu tūāhu? (W 1)
Mehemea ko te kura te mahi pai, a tēnā me mahi tātou i taua mea. (WM 9, 9)
Ki te whakaae koe ki aku taki, a tēnā whakamāramatia mai tō māua whaea, tō māua pāpā, te tāne, me ngā tamariki a Whakaotirangi, kua hē hoki aku taki. (WM 9, 5)
A, hei konei whakarongo ake ai. (W 1)
