ā1
1.
-ia -ngia -nga -tanga -kanga
[Tūmatauenga] mahw, ing, āhua .
Ka akiaki i ētahi mea kia neke me te ū ki tētahi ahunga kua tohua.
He mana pio ngā ika i āia mai e te āmai i te takutai o te moana i Okarito. (Wa 5, 7)
Kua haere ki te ā mai i ngā kau ki te whare miraka.
{
uruhi , whiu 1 (6
) }
2.
-ia -ngia -nga -tanga -kanga
[Tūmatauenga] mahw, ing, āhua .
Ka tikitiki haere i ētahi mea, ka waiho tahi ki tētahi wāhi; ka whakahuihui.
Kua haere rātou ki te ā kōhatu papai mō te hāngī. (Hēni)
kohi
1
(1)
ā2
[Tāne] ptm .
Ka noho te kupu nei ki mua i ngā tūkapi mō te tokorua, te tokotoru neke atu, i tētahi ingoa, i tētahi tūingoa, i tētahi kīanga rānei, e tohu ana nāna aua mea.
I mauria e mātou ā mātou pounamu wai ārani.
He hīanga ā Mere tamariki.
Kaua e whakapono ki ā te rēwera kōrero.
Me āta whakarongo ki ā te tangata e whakamātauria ana, āna whakautu.
{
wā 2 }
ā3
[Tāne] hono .
He kupu hei hono i ētahi kōrero e rua, e tohu ana ko te mea tuarua ka whai mai i te mea tuatahi, ka haere tahi rānei ki te mea tuatahi.
Ka tae mātou ki te marae, ā, ka tū ka tatari.
Ka kapakapa te manawa, ā, ka heke te werawera.
ā4
[Tāne] ptm .
Mā tēnei punga ka honoa ētahi kupu e rua, ko te mea tuarua hei whakaahua i te mea tuatahi, te āhua o te mahinga mai, tana āhua tonu rānei. Mehemea he tūmahi hāngū te kupu tuatahi, tērā pea ka whakahāngūtia te kupu tuarua. Ka honoa te kupu tuarua me te punga nei ki te tohuhono, hei tauira, waiata ā-ringa; tikanga ā-iwi.
Ko tētahi wāhanga o te whakamātautau he whakamāori ā-waha, ko tētahi he whakamāori ā-tuhi.
Kei mate ā-moa te kōkako.
ā5
[Tāne] ptm .
E tohu ana kei te wā e heke mai ana tū ai te mahi kei muri e whakaingoatia ana.
Ā te wiki e tū mai nei te hui.
{
hei 1 (1
) }
ā6
[Tāne] thu .
He kupu whakautu e whakaatu ana i te whakaae. Mēnā e whakautu ana i te pātai whakakāhore, e whakaū ana i te whakaaro whakakāhore o roto.
'Kei te hoki mai rāua ā te ahiahi nei?'
'Ā. Hei te toru karaka ka tae mai.'
āe
1
(1)
ā7
[Tāne] thu .
He kupu ka whakahuatia kia aro mai te tangata e kōrero atu ana koe.
Ā e tino hari ana ahau mōu i tae mai.
Ā e hoa, te āhua nei hore kē ēnā kōrero e tika.
Ā! Waiho te naihi nā - ka motu koe.
{
a 3 }
ā8
[Tāne] ing .
Te kōiwi kei te pakihiwi e tūhono ana i te pākau ki te whaturei.
I te nuinga o te wā ka honoa ki te kupu 'kakī'.
Te ā o tōku kakī. (W 1)
paemanu
(1)
