atu1
1.
[Tāne] pmi .
E tohu ana i te ahunga o tētahi mahi, o tētahi āhuatanga ki wāhi kē, kaua ki te kaikōrero.
Haere atu! Kua hōhā au i a koe.
Tuhia atu he reta ki te nūpepa.
E pōuri ana te ngākau i tōna ngaromanga atu.
2.
[Tāne] pmi .
I muri i te tūmahi oti, i te tūāhua rānei, e tohu ana he kaha ake tētahi āhuatanga o roto i tētahi mea i tētahi atu.
Nui atu tōna kaha ki te pēhi i tōna pōuri engari ko au kei te mōhio atu, nui atu tōna pōuri. (KRK 86)
He pai atu te kōrero i ō āwangawanga i te nohopuku kau.
kē atu
[Tāne] pmi .
E whakakaha ana i te rerekē o tētahi mea i tētahi atu.
Ka kī au, nui kē atu tō kōrua aroha ki te paipa, ki te tikareti. (KRK 192)
Ko tōna tikanga rā tēnei, he whakatūmau ki tēnā tangata tana wāhi whenua, ki tēnā tangata tana wāhi, ki tēnā tangata tana wāhi; koi rere mai te tangata kē atu ki runga whakararuraru ai. (WMA 3, 67)
rawa atu
[Tāne] pmi .
He maha ngā whakatakotoranga kei reira te kupu nei e piri tahi ana ki tētahi atu punga. Anei e whai ake nei ētahi: i muri i te tūāhua, i te tūmahi oti, e tohu ana i te tino eke o tētahi āhuatanga ki tētahi taumata.
Ko tō rātou motokā kei te pai rawa atu te haere. Piki atu, heke atu i ngā puke, pai noa iho. (Wh 1, 1)
E mea ana māua, kātahi nei anō te mahi hē rawa atu ko ngā tikanga o taua Pira hou a Mākarini. (Wa 3, 34)
Tae rawa atu a Ngātoroirangi ki te moana, e tū mai ana te rākau mānuka a Tia i roto i te moana. (HP 247)
3.
[Tāne] pmi .
I muri i ngā pūmau, e tohu ana he rerekē, he tāpiritanga rānei te mea e kōrerotia ana ki tētahi mea kua oti te whakahua i mua tata ake.
Kāore e tino pai ō tauira - me kimi ētahi atu.
I te Rātapu tuawhā o te marama, ka haere ki te karakia, i ētahi atu Rātapu, ka toro i tana whānau.
{
ake 3 (8
) }
4.
[Tāne] pmi .
I roto i ngā kīanga e tohu ana i te wā, i te raupapa rānei o ngā mahi, ko te kupu nei hei tohu mō te wā o mua, i te tutukinga rānei o tētahi mahi.
Tāmara mā, kia whai hua anō ngā whakapae i mua atu i te kōrero whānuitanga ki te iwi.
I te otinga atu, ka whakaaetia te mōtini.
noa atu
[Tāne] pmi .
E tohu ana i te tino roa ki muri, i te tino tawhiti rānei.
Kua ara noa atu taku kuia ki te pere taru i te atatū.
Nō mua noa atu, nō tua whakarere.
Kei tawhiti noa atu e haere mai ana.
5.
[Tāne] pmi .
Ina noho tahi ētahi kīanga e rua, ko taua tūmahi anō kei roto i ngā mea e rua, engari he 'mai' kei tētahi, he 'atu' kei tētahi, e tohu ana kotahi te mahi a ngā kaimahi, tētahi ki tētahi.
Māu e mihi mai, māku e mihi atu.
Kimo atu, kimo mai.
6.
[Tāne] pmi .
Ina noho hei kupu whakamutunga mō tētahi kīanga, ko te 'me' te kupu tuatahi, e tohu ana kei roto anō hoki te mea e whakahuatia ana i ngā mea kua kōrerotia i mua.
Pēnei tonu mātau tērā te waipuke nei e tahi atu i tō mātau whare me mātau katoa atu, ki te moana. (HP 14)
7.
[Tāne] pmi .
E tohu ana ko tētahi mahi, tētahi haerenga, tētahi āhuatanga e ahu ana, e aro ana rānei ki tētahi wā, wāhi rānei e tawhiti ana i te kaikōrero.
Atu i tēnei wā, mau ake nei, kua mutu taku kangakanga.
Atu i tēnei wā ki te whānautanga o tō pēpi me mutu te inu wāina.
8.
[Tāne] pmi .
He wā anō ka tū koia anake i mua i te kīanga tīmata ki te kupu 'i', e tohu ana ko te mea ka whakaingoatia i muri, e rerekē ana, e noho wehe ana i te kaupapa o te rerenga.
Atu i tērā, kāore he raruraru.
Katoa rātou i mihi mai ki a mātou, atu i tōna kotahi nei.
9.
[Tāne] pmi .
E tohu ana he tangata anō, he wāhi anō, he mea anō kei tua, e rerekē ana rānei i tērā i kōrerotia, e mōhiotia ana rānei.
Tētahi o aua huarahi e rua e haere, haere, haere iho anō tae noa ki te whakangaromanga; ko tērā atu huarahi e piki ake ana ki te korōria. (HMa 15, 2)
Kua pau te kaha o tēnei - me hoko tētahi atu.
10.
[Tāne] tūkē .
E tohu ana ko te mea e whakahuatia ana i mua tonu i te kupu, e rerekē ana i ētahi atu, otirā he momo tāpiritanga anō hoki ki aua mea rā.
Ka pēhea tērā atu o ana tēina?
Ka whakahokia e au te mea riwha ki te toa, ka homai ko tētahi atu.
Mēnā he whakaaro atu anō ōu, kaua e hopohopo ki te tuku mai.
Kāore i tapoko mai ngā uri o runga i ērā waka atu. (W 20)
kē
1
(3)
