hākari1
1.
[Rongo] ing .
He tahua kai nui ka horaina e te tangata whenua kia ngata ai ana manuhiri, he tohu manaaki, he tohu mana; he tahua kai nui hei whakanui i tētahi kaupapa; he kai hei whakatutuki i ngā mahi tapu o tētahi kaupapa pērā i te tangihanga, te pure, te huamata, te whakamānu waka, te aha atu, te aha atu.
Ka whakapehapeha tōna ngākau mō te nui o ngā kai o tana hākari, ka whai ingoa ia i roto i ngā tāngata. (TKP 1, 2)
I konei anō mātau mō te hākari o te Tau Hou, tau 1943. (HP 180)
I haere māua ko Hōri Mahue me tana mokopuna ki te hākari iriiri tamariki. (KRK 22)
{
haukai , kaihaukai , whakatihi }
2.
[Rongo] ing .
He mea ka hoatu noa e te tangata ki tētahi atu, i runga i tana aroha, i tana whakaaro nui ki a ia.
Ka whakatakoto haere te iwi rā i ā rātou hākari, ngā whāriki, ngā kete, ngā kai moana.
koha
1
(3)
3.
[Tangaroa] ing .
Te huinga kākano i te wharekano o te uwha ika.
He kai totetote tonu te hākari.
hua
1
(4)
4.
[Tāne] ing .
Te wāhi kōwhai o te huamanu, koia nei te kai a te pīpī i mua i te paopaotanga.
Kia rua meneti noa iho e kōhuatia ana te hēki, kia āhua rere tonu ai te hākari. (Ruka)
tōhua
(1)
5.
[Tangaroa] ing .
He mātaitai whai kokopi poroāwhio te hanga.
Dosinia subrosea
harihari
2
6.
-a -tia -nga -tanga
[Tūmatauenga] mahw, ing, āhua .
Ka whakapai i te āhua o ngā makawe, ka tāpiri hanga atu kia ātaahua ake ai.
Kia hākaritia te māhunga, kātahi ka tau tēnā ingoa Te Koukou. (W 31)
Kātahi ka tahuri te tangata rā, a Kahu, ki te hākari i tana tamāhine. (W 31)
