wā1
1.
[Papatūānuku] ing .
He wāhi kua tohua, e mōhiotia ana rānei kei hea ake o tētahi wāhi, o tētahi hanga nui ake.
Kei raro iti iho, ē, te wā koia ki taku matua. (W 472)
takiwā
(2)
wā kāinga
[Papatūānuku] ing .
Te wāhi e kī ai te tangata koirā tōna kāinga, i a ia e noho ana i tawhiti, i wāhi kē.
I reira ka noho a Paoa, ka tahuri mai te kanohi ki Waikato ki te wā kāinga, ā, ka hoki mai te aroha ki tana whānau kua mahue atu rā i a ia. (IwiT 22:6)
Kua pūwhenuatia tēnei noho a mātou, kua whakakōmau te manawa hotu ki te wā kāinga, i te kore i arowā te ara moana e hoki ai. (W 478)
2.
[Ranginui] ing .
Te ia rere mutunga kore i tīmata ake i mua noa atu i te orokohanganga mai o te ao, ka tū tonu mai ki mua i a tātou, ake, ake, inea nuitia ai ki te hēkena, te meneti, te hāora, te rā me te tau.
Kua rerekē haere ngā tikanga i te takanga o te wā.
Kua roa noa te ngaronga o te rā, engari nā te pā mai o te rekareka, wareware katoa te haere o te wā. (Wh 56, 2)
E pai ana te whakautu: 'Ko wai ka hua, ko wai ka tohu!' Waiho kia haere ana, mā te wā e whakaatu ōna huanga. (TT 45, wh206)
3.
[Ranginui] ing .
Te roa o te wā e mahia ana tētahi mahi, e pā ana rānei tētahi āhuatanga.
Ko Tū e tohu ana i te wā o te pakanga, ko Rongo e tohu ana i te wā o te rangimārie.
He hāwhe hāora noa te roa o te wā tākaro.
{
tau 1 (2
) }
ā tōna wā
[Ranginui] kīa .
Hei tētahi rangi kei te tū mai.
He pai tēnei mahi mōku he whakapakari i taku tinana hai hāpai i ngā mea taumaha ā tōna wā. (HP 27)
Ā tōna wā pea e kitea ai te hua o tā tātou e whai nei. (H 3)
4.
[Ranginui] ing .
He wā motuhake ka inea ki ngā hāora me ngā meneti kua hipa mai i te weherua pō, i te poupoutanga rānei o te rā; ka whakaaturia ki te karaka, ki te matawā, ki te wati.
He aha te wā tīmata ai te whakataetae ā te ahiahi nei?
{
hāora 1 (2
) , tāima }
wā2
[Tāne] ptm .
Ka noho te kupu nei ki mua i ngā tūkapi mō te tokorua, te tokotoru neke atu, i tētahi ingoa, i tētahi tūingoa, i tētahi kīanga rānei, e tohu ana nāna aua mea.
E hiahia ana au ki te āwhina i taku whanaunga me ōna hoa, engari kāore au e tino whakaae ana ki wā rātou kaupapa.
ā
2
