whakamoe1
1.
-a -nga
[Tūmatauenga] mahw, ing, āhua .
Ka kawe, ka whakamārie rānei i te tangata, i te tamaiti, kia moe ngā whatu.
Mā te pāpā pea e āwhina, e whakamoe ana tamariki i ngā pō
I mea ia kia hoatu he rongoā whakamoe i a ia kia kore ai ia e rongo i te mamae. (HTK 1, 30)
2.
-a -nga
[Ranginui & Papatūānuku] mahw, ing, āhua .
Ka tuku i te wahine kia moea e te tāne, te tāne rānei kia moea e te wahine.
Ko taku tuahine rā kia whakamoea mā taku hoa takāpui, mā Tiki. (W 204)
Ka pātai a Maniapoto ki āna tamariki ko tēwhea o rāua e pīrangi ki te wahine rā, ā, i te whakaaetanga o Rōra ka whakamoea rāua ko Kuramōnehu. (IwiT 25:2)
{
whakanoho , whakapākūwhā }
3.
-a -nga
[Rūaumoko] mahw, ing, āhua .
Ka whai kia kore tētahi mea e kitea.
Ka whakamoea e te whānako ngā reo irirangi i whānakotia rā e ia ki raro i tana whare.
huna
(1)
whakamoe kokoti
[Tūmatauenga] ing, āhua .
Te patunga ohorere i te hoariri e tētahi ope e noho huna ana; te ope nāna tēnei mahi.
I te ata ka haere mai te ope a Ngāti Kahungunu, ka whakanohoia te whakamoe kokoti. (W 149)
kokoti
(6)
4.
-a -nga
[Ranginui & Papatūānuku] mahp, ing, āhua .
Ka kati i ngā karu.
Ka whakamoea ngā kanohi, ko te tangata ia e ara ana. (W 204)
moe
(2)
5.
-nga
[Tāne] mahp, ing, āhua .
Ka tere te kati me te huaki i ngā karu e rua.
Ka titiro mākutu tētahi ki tētahi, he roa tonu kātahi anō tētahi ka whakamoe. (Ruka)
kimo
(2)
6.
-nga
[Ranginui] mahp, ing, āhua .
Ka tuku i te aho me te rarama anō, te kōpura anō, me te mea nei e kemokemo ana (o ngā mea pērā i te whetū, i te rama tawhiti).
Ka whetūrangitia Matariki, te whetū o te tau e whakamoe mai rā. (W 204)
hikohiko
(2)
