He Pātaka Kupu

2. -tia [Ranginui] tūkē, āhua .
E noho wātea ana, kāore he aha o roto. Ka kite atu a Raumati i ngā pā o Maketū e tū kau ana mai, kāore he tāngata. (W 104) Ko āna kāpata i takoto ai ana waipiro, kua takoto kau ērā, kāhore kau he kai o roto. (Wa 2, 13)

3. [Tāne] āhua .
E whakaū ana i te pakupaku, i te hauarea rānei o tētahi mea. Ko ngā patu he patu poto kau. (W 104) Ināianei he wāhi iti kau nei te wāhi o Rutana Moutere kei a rātou. (WM 9, 3)

4. -tia -tanga [Tāne] tūkē .
E tohu ana e whāiti mai ana ki tērā e whakahuatia ana. Ko ngā whenua anake e takoto kau ana tā te Pākehā e hiahia ana kia hokona. (WM 9, 3) E tama ē! Ka riro hoki rā nge Atutahi-mā-Rehua; waiho ki muri nei tangi kau ko te mapu. (NM4 375, 20) Me rongo kau noa ake te taringa i te ingoa o Ngoi, mōhio tonu te ao Māori whānui ko wai tērā e kōrerotia rā. (H 29)

5. -tia -tanga [Tāne] tūkē .
E tohu ana kāore e taea ana he mahi i tua atu i tērā e whakahuatia ana. Ka ohorere te iwi hī ika i te putanga atu o te waka taua. Kore rawa he rerenga, ka titiro kau iho ngā tāngata o roto i te pā ki ērā o rātou e patua ana ki te moana. (IwiT 9:13) Nā, kei reira e noho mokemoke ana, kei reira e tangi kau ana ki tōna kāinga kua mahue, ki tōna rangatiratanga kua kore. (Ha 3, 8) Ka mauria hoki ki roto i te whare karakia, e rima tekau anō e uru ki roto, ko ngā mano tāngata e rima ka tū kau atu i waho. (PH 7, 10)

6. -tia -tanga [Tāne] tūkē, āhua .
E tohu ana i te rere angiangi o tētahi hanga, arā, kāore he mea e whakapōrearea ana, e whakararu ana, e here ana rānei i te rere. Kīhai i taea te korikori, hahau kau ana te patu. (W 104) E mihi kau ana, e mihi kau ana, kei te mātātahi pūmanawa rau. (HM 9, 3)

7. -tia -tanga [Tāne] tūkē .
E tohu ana kāore i puta he hua, kāore rānei e puta he hua i te mahi e whakaaturia ana. A tangi kau ana mai ki ana taonga, ki tana wahine. (W 104) E amuamu kau ana mō te hē o te whakatau a te kaiwawao.

8. -tia -tanga [Tāne] tūkē .
He wā anō e whakakaha noa ana i te kupu e tū ana i mua. Kāhore kau he tangata kotahi i ora. (W 104) Pai kau hoki ki a au kia mōhio ai au. (W 104)

9. -tia -tanga [Tāne] tūkē .
E tohu ana i te wā tonu ka pā te āhuatanga e kōpaki ana i te kupu, i paku muri mai rānei, ka pā ko tērā atu āhuatanga ka whai i muri iho. Mutu kau anō tā rātou haka, tino katanga o Kae i kata ai. (W 104) Rongo kau, kite kau i te raru, kia wawe te whakanunumi. (KWK 26)

kau²

1. -ria -anga -nga -ranga [Tūmatauenga] mahp, ing, mahw, āhua .
Ka whakakorikori i ngā ringa me ngā waewae e tere haere ai te tinana i te wai. Ka kau ia, ā, ka ū ki te kāinga o Te Whatuiāpiti. (W 104) Tēnā rā kauria mai te moana e takoto nei. (PH 3, 15) Ko Hinemoa, nāna i kau te roto o Rotorua. (W 104)
kauhoe (1)

kau āpuru [Tangaroa] ing .
He momo kauhoe e toro whakamua ai ngā ringa ka hoe whewhera mai anō, ko tā ngā waewae he koropeke ki raro i te tinana, ka whana whewhera whakamuri. Ka kī noa iho te puku i te wai ina kau āpuru i te wai pōkarekare.

kau kiore -nga [Tūmatauenga] ing, mahp, āhua .
He momo kauhoe e takoto tuarā ai te tangata ki te mata o te wai, ka whanawhana ngā waewae, ka huri kōpae ngā ringa ki te hoe kia haere whakamua ai te tinana. Ki te ngenge te tangata i a ia e kauhoe ana, he pai te kau kiore.

kau tāwhai [Tūmatauenga] ing .
He momo kauhoe e tāpapa ai te tangata i te mata o te wai, ka whanawhana ngā waewae, ka huri kōpae ngā ringa ki te hoe kia haere whakamua ai te tinana. E toru ngā wāhanga o te whakataetae; he kau tāwhai, he eke pahikara, he oma. { kauhoe }

2. -nga [Tūmatauenga] mahp, ing, āhua .
Ka nekeneke, ka hīkoi i roto i te wai āhua hōhonu, me te āhua uaua anō o te haere. Kei ngā hope te wai i a rātou e kau atu ana ki rahaki o te awa.
kautū

kau³

[Tāne] ing .
Te wāhanga roroa o te tipu e piki whakarunga ana mai i te papa, e tautoko ana i ērā atu wāhi ōna; te wāhanga o te tipu e mau mai ai ngā rau, ngā pua, ngā hua rānei.
tātā ² (1)

kau⁴

kau o te kanohi [Tāne] ing .
Te puare pango kei te pokapū o te karu. Kia pōuri haere, ka rahi haere te kau o te kanohi. (Ruka)
whatupango

kau⁵

[Tāne] ing .
He huinga tāngata tino tokomaha. E whano ai koe ki tō tini, ki tō mano, ki tō kau ariki (W 105)
tini ¹ (2)

kau⁶

[Ranginui & Papatūānuku] ing, āhua .
Tētahi o ngā tāngata i heke mai ai te tangata i roto i ngā tātai whakapapa, i tua atu i ōna mātua ake me ērā atu o tō rāua whakatupuranga. Ko te tikanga o tēnei kupu 'Nā ōna kau i waiho', nā ōna tūpuna. (W 105)
tupuna

kau⁷

[Tāne] ing .
Te uwha pakari o tētahi kararehe āhua nui tonu, ka whakaratangia e te tangata hei kai māna, hei kutētē anō māna. Ki ētahi me whai kāwhe rawa e kīia ai he kau. He maha noa atu ngā pāmu miraka kau i Aotearoa nei. E waru tekau ana kau e whakatētē ā-ringa ana rātau. Kāore hoki he mīhini kutētē kau i taua wā. (HP 22)