tumu1
1.
[Tāne] ing .
Te wāhi whakararo o te rākau ka noho tonu ki te whenua i muri i te topenga, i te hinganga rānei.
Ko te tumu herenga waka (W 453)
Ko te mahi a te koroua rā he hīkoi i te ngahere, he noho i runga tumu ki te kohi whakaaro, ki te mōteatea
2.
[Tāne] ing .
Ngā pou matua nui o te tūwatawata o te pā, ngā pou whakairo.
Ki te ngoikore te tū o ngā tumu o te pā nei, ka hinga katoa ngā tūwatawata.
{
himu 2 }
tumu whakahaere
[Tūmatauenga & Rongo] ing .
Te rōpū whāiti ka noho ki runga rawa o tētahi whakahaere, koia kei te tohu, kei te whakatau he aha ngā mahi matua kia whāia e ngā kaimahi o te whakahaere.
He mea pōti ēnei tāngata hei tumu whakahaere mō tō mātau kura.
Ko tā te tumu whakahaere, he tohutohu, he ārahi, ko tā ngā kaimahi, he whakatinana i ērā tohutohu.
tumu whakahaere
[Tūmatauenga & Rongo] ing .
Te huinga o ngā kaimahi mātāmua o tētahi whakahaere, ko rātou kei te whakahaere, kei te whakataki i ērā atu kaimahi.
Ina hui tahi ngā pou whakahaere o te tari, ka kīia rātou ko te tumu whakahaere.
tumu whakarae
[Tūmatauenga] ing .
Ngā pou whakairo matua o ngā tūwatawata o te pā.
Kāore he pou whakairo nui atu te mana i tō te tumu whakarae o te pā.
{
(pou whakarae
) }
3.
[Tāne] ing .
He tinana kore māhunga .
I tapahia te upoko o te hoariri hei whakahoki mā rātou, waiho ana te tumu ki reira takoto ai. (Ruka)
4.
[Tūmatauenga] ing .
Te pou o te pewa hopu manu.
{
tī here }
5.
-nga -tanga
[Tangaroa] āhua, ing, mahp .
Kua mutu te pari mai (o te tai), kua tū mai ki tōna taumata.
Kāore e neke i a tātou te waka nei kia tai tumu rā anō.
aronui
(5)
6.
-nga
[Tūmatauenga] mahp, ing, āhua .
Ka whakaputa oro mārū, oro panguru, oro poto (o te kararehe, o te tangata anō pea).
Ko te tumu e tohu ana e āe ana, engari kāore pea i pērā rawa te pai mai ki te whakaaro o tana wahine.
horu
(3)
7.
-nga
[Tāne] mahp, ing, āhua .
Ka tākiri kia iti noa (o tētahi wāhanga o te tinana) i runga i te ohotata.
Tumu ana te waewae, he kowhera; he aituā. (W 454)
korowhiti
(2)
