toro1
1.
-nga
[Tāwhirimātea] mahp, ing, āhua .
Ka haere i runga i ngā ringa me ngā pona, ka tō haere rānei i te tinana i te papa; ka āta haere i runga i te tūpato, kia kore ai e rangona, e kitea.
Muringa rā ka toro a Māui ki roto ki te whare o tōna tupuna. (W 439)
ngōki
2.
-nga
[Tāne] mahp, ing, āhua .
Ka totoro ake, ka whakaroa ake, ka roa ake.
Ka toro mai tōna ringa, ka raraku. (W 438)
Ka toro ngā kāwai o te hue. (W 438)
{
hokahokai , mamanga , nuku , pakū , rau 4 , tautoro , tutuki }
3.
-nga
[Tūmatauenga] mahp, ing, āhua .
Ka haere puku ki te titiro i te kaha o te hoariri, i te takoto rānei o te whenua.
Kua eke rawa mai taua iwi nei ki uta, kotahi i tukua mai ki te toro. (W 439)
4.
-nga
[Rūaumoko] mahp, ing, āhua .
Ka kaha tonu, ka kanapa tonu te ngingiha (o te ahi, o tētahi hanga rānei e whakaritea ana ki te ahi).
Te putanga ake o taua tawhiti nei, ānō he ahi e toro ana ki te whenua. (E kōrero ana mō te rā.) (W 439)
mura
5.
-a -nga -tanga
[Tāne] mahw, ing, āhua .
Ka takahi haere i te nuku o te whenua, i te nuku o te moana, ka āta tirotiro haere; ka āta whāwhā haere i tētahi mea, kia mōhiotia ai tōna āhua.
Ko Matahourua te waka nāna i toro te nuku roa. (W 439)
Ko te arotahinga a te akomanga i tēnei marama, ko te toro i ngā rongoā Māori.
{
hōpara 2 , torohē , torotoro , whakatōmene }
6.
-na -nga
[Tāne] mahw, ing, āhua .
Ka whakamārō i te tinana, i te ringa, i te waewae, ki mua, ki runga rānei.
Na ka torona e Ehuru tōna ringa mauī, ka mau ki te hoari i tōna hūhā matau, werohia ana ki tōna kōpū. (PT Kai 3.21)
'Tēnā, ki te whakaae koutou ki tāku, whakatorona ngā ringaringa.' Kātahi ka torona ngā ringaringa ki runga, katoa, katoa. (Ha 2, 2)
{
}
7.
-a -hia -na -nga
[Tūmatauenga] mahw, ing, āhua .
Ka haere kia kite i tētahi tangata .
Nā te aroha ka tae atu ki te kāinga o tana hoa ki te toro i a ia.
{
mātoro }
8.
-a -hia -nga
[Haumia] mahw, ing, āhua .
Ka haere ki te kimi, ki te kohikohi (kai) i te ao tūroa.
Me haere tātou ki te toro kai. (W 439)
Ka pau te ahiahi ki te toro kai mā rātou i te mānia.
9.
[Tūmatauenga] ing .
He toa ka haere i mua o te taua ki te tirotiro i te whenua me te kaha o te hoariri, ka whakahoki kōrero ai ki tana ope.
Te taenga ki te one i Tīrau, tērā ka kitea mai e ngā toro. (W 439)
pūrahorua
toro2
[Tāne] ing .
He rākau e 8 mita te tupu, he rau whāiti roa tonu, he pua māwhero ka tipu mai i ngā kaupeka, he hua whero, he kōwhai ngā wana; ngā hua o tēnei rākau.
Myrsine salicina
toro3
[Tangaroa] ing .
He ika noho wahapū e 50 henemita te tipu, he karu anga whakarunga ōna, he kōtingotingo ōriwa kei te upoko, he tāingoingo kei te tuarā, he tāhei kahotea, he tāhei manauri e rere ana i ngā kaokao, he kahotea a raro.
Leptoscopus macropygus
toro4
[Tāne] mahw, ing, āhua .
Ka tae atu ki tētahi mea e āta rapua ana, ka tūpono noa atu rānei ki tētahi mea.
I ana rangahautanga ka tūpono tana toro i ētahi kōrero kino rawa atu.
kite
(3)
