taumau1
1.
-tia -tanga
[Tūmatauenga] mahw, ing, āhua .
Ka whakarite, ka tohu rānei (i tētahi mea) mō tētahi tangata, mā tētahi tangata rānei, ā tōna wā.
Ko Horoiwi i noho iho ki te wāhi i taumautia ai e ia i te pūaha o Tāmaki. (IwiT 3:59)
He puhi i taumautia mā tētahi rangatira hei taura here i ngā iwi e rua. (TTR 1, 239)
Tao kaitohi - he tao i taumautia, arā i āta waitohutia. (TT 88, t72)
taunaha
2.
-tia -tanga
[Ranginui & Papatūānuku] mahw, ing, āhua .
Ka tohu, ka tono rānei te tangata kia riro tētahi mea i a ia.
Ko ngā tāngata o ētehi o ngā waka, kua ū kē mai i mua atu, kua haere katoa ki te tirotiro, ki te taumau haere hoki i te whenua mō rātou. (IwiT 3:50)
{
awherangi , taumou }
3.
-tia -tanga
[Ranginui & Papatūānuku] mahw, ing, āhua .
Ka tohu (i tētahi) hei hoa rangatira mō tētahi atu ā tōna wā.
Ko aua tamariki he mea taumau nā ō rāua tūpuna, i te mea e ririki tonu ana rāua. (Wa 4, 7)
Ka taumau koe i te wahine, ā he tangata kē māna ia e moe. (PT Tiu 28.30)
{
puhi 2 (4
) , taipū 1 , tāmau , tāmou }
4.
-nga -tanga
[Ranginui & Papatūānuku] mahp, ing, āhua .
Ka tohua hei hoa rangatira mō tētahi atu ā tōna wā.
Nō te itinga tēnei wahine i taumau ai. (W 400)
{
taimau , taumou , whaiāipo }
5.
[Papatūānuku] ing .
Te mahi e taunahatia ai te whenua, te aha atu ina kitea tuatahitia.
Nō te mea kua riro katoa taua takiwā i ngā taumau a ngā tāngata tokotoru. (W 400)
