tahuri1
1.
-tanga
[Tāwhirimātea] mahp, ing, āhua .
Ka neke kia anga kē te titiro, te tū, te noho rānei.
Tahuri noa ake te wahine rā: auē! he tangata e tū mai ana i muri i a ia. (W 361)
Me ka totoro atu te ringaringa, ka tahuri ka ngau. (H 62)
huri
1
(4)
2.
-tia -hia -tanga
[Tāwhirimātea] mahp, ing, mahw, āhua .
Ka neke tētahi mea, ka neke rānei i tētahi mea, kia noho ko runga ki raro, ko raro ki runga.
I tohutohungia te tamaiti e tīraha ana kia tahuri kia tāpapa te takoto, e pai ai te rongoā i tana tuarā.
E tika ana hoki kia kore e tahuritia e te Kōti tētahi mea. (WM 9, 20)
huripoki
(1)
3.
-tanga
[Tāne] mahp, ing, āhua .
Ka kī i te wai, ka totohu (o te waka).
E hoa mā, ka tahuri tātou, tirotirohia te wai o tō tātou waka. (W 361)
4.
-tanga
[Tāwhirimātea] mahp, ing, āhua .
Ka tīmata i tētahi mahi, ka whakapau kaha anō ki taua mahi.
Ka rongo te whānau kua mate a ia, ka tahuri ki te hora i ngā moenga i te wharenui.
{
anga 1 (3
) , huri 1 (7
) }
5.
-tanga
[Tūmatauenga] āhua, ing, mahp .
Kua horo, kua hinga (o te pā).
Ko te pā tahuri ko Tokaanu. (W 361)
