rutu1
1.
-a -nga
[Tāwhirimātea] mahw, ing, āhua .
Ka ohorere te pana, te tuki, te rūrū rānei (i tētahi mea), e ngāruerue ai, e kakare ai rānei (taua mea).
Rutua ana tērā te waka rererangi nahonaho e te hau pūkerikeri.
2.
-a -nga
[Tūmatauenga] mahw, ing, āhua .
Ka tere tonu, ka kaha tonu te kume i tētahi mea.
Ka rutua ngā reina kia tū ai te hōiho.
korowhiti
(3)
3.
-a -nga
[Tūmatauenga] mahw, ing, āhua .
Ka āki atu, ka tuki atu kia hinga rawa.
Ka rere mai te paihau o tērā tīma, ā, ka rutua ki raro ka panaia ki waho i te kokonga o te pātiki.
Ka takoto katoa te iwi i muri i te kai, ka rutua e te moe.
He rutunga nā te mate. (W 353)
{
tātā 1 (1
) }
4.
-a -hia -nga
[Tūmatauenga] mahw, ing, āhua .
Ka kōrero ki tētahi atu i runga i te wairua whakamihi, whakangāwari, i tō hiahia kia whiwhi koe i tētahi mea kei a ia e pupuri ana.
Kāti te rutu taonga i ētahi atu. He aha te mate o te hoko i āu ake? Kei te nui hoki ō moni.
pati
1
5.
-nga
[Tāwhirimātea] mahp, ing, āhua .
Ka neke kia ngāwari noa, mai i tētahi taha ki tētahi, mai i mua ki muri rānei, me te mau anō o tētahi pito, me te mea nei rānei e mau ana tētahi pito.
E rutu ana au i a au e whakarongo ana ki te rōpū e waiata ana.
E rutu ana te rākau tāroaroa i te angiangi.
pīoioi
2
(2)
6.
-nga
[Tūmatauenga] mahp, ing, āhua .
Ka kakare te ngākau i te kaha riri.
Rutu noa ana a Hare, he wheke nōna ki te tangata nāna i tuki tana waka.
rutu2
1.
-nga
[Ranginui] mahp, ing, āhua .
Ka rere iho ā-kōpata ririki nei.
E rutu noa mai ana te toto - pēnei au ka totō kē mai.
turuturu
2
(1)
2.
-a -nga
[Tūmatauenga] mahw, ing, āhua .
Ka mahi kia āta maringi atu te wai, te kai, te aha atu o roto i tētahi hanga.
Kua mōī kē te miraka nei. Rutua atu.
riringi
(1)
