rumaki1
1.
-na -nga -tanga
[Tūmatauenga] mahw, ing, āhua .
Ka whakangaro katoa atu (i tētahi mea) ki roto i te wai; ka whakangaro katoa atu (i tētahi mea) ki roto i te wai mō tētahi wā poto.
E kaukau ana rāua i tētahi rā me te tākaro, kātahi ka rumakina rāua ki te wai e ngā wāhine o Ngāti Manu; mea rawa ake kua taki whawhai rātou. (TTR 1, 117)
2.
-na -nga -tanga
[Tūmatauenga] mahw, ing, āhua .
Ka āta whakamate mā te tuku, mā te pupuri rānei ki raro i te wai.
Ka rumaki a Ruatapu i te hokowhitu rā, a mate katoa. (W 351)
{
tukupunga }
3.
-na -tanga
[Tūmatauenga] mahw, ing, āhua .
Ka tuku ki te kōpū o te whenua, ka uhi ai ki te oneone.
Ka patua te taua e Te Kea, ka rumakina a Pāiterangi ki roto ki te repo. (W 351)
Me rumaki ngā whēkau ika, kia kore ai e haunga ka tahi, kia mōmona ai te whenua ka rua.
tanu
(1)
4.
-na -nga -tanga
[Rongo] mahw, ing, āhua .
Ka kuhu atu (i te tipu, i te kākano) ki te oneone, kia tipu ai.
I tuhia hoki e ia ngā kōrero tohutohu mō te rumaki me te ngaki huawhenua. (TTR 4, 74)
whakatō
(2)
5.
-nga -tanga
[Tāne] mahp, ing, āhua .
Ka neke whakamua, whakararo te upoko me ngā pakihiwi, i te wā e tū ana, e tūturi ana rānei.
Ka rumaki tonu te pane ki raro kia kore ai e kitea tana kanohi.
tuohu
(1)
6.
[Rongo] ing .
He kete purapura rīwai.
Ko taku matua kei mua e parau ana i te whenua, ko mātou me ā mātou rumaki e whai ana i muri. (Ruka)
{
auau 4 }
7.
-nga -tanga
[Tāne] āhua, ing, mahp .
Kotahi anake te reo e kōrerotia ana, e whakaaetia ana rānei kia kōrerotia.
Ko te tikanga, ka pakari ake te reo Māori o ngā tamariki o te karaehe rumaki, tēnā i ō te karaehe reorua.
Koirā te pai o te haere ki te whenua koirā anake te reo o reira - ka rumakina koe ki taua reo.
Ko te rumaki te tikanga pai katoa e tere mau ai tētahi reo.
