rohe1
1.
[Papatūānuku] ing .
He rārangi, he tohu, he aha atu rānei e wehe ana i tētahi mea i tētahi atu.
Kāore hoki a Īhaka i mōhio ki ngā rohe o taua poraka, engari anō tō mātau koroua, a Te Teira Rore. Nāna i whakahua haere te rohe, ka mōhiotia te poraka o Nūhaka Nama Tahi. (HP 31)
kotinga
2.
[Papatūānuku] ing .
He wehenga whenua kua tautuhia ōna paenga, ōna pou tarāwaho.
Mehemea ka karangatia he huihuinga nui i te rā nei, ki ētahi o ngā marae o roto i te rohe pōtae o Wairarapa, me waiho atu mā Te Hani kei taua marae e karakia te katoa, ā mutu noa taua hui. (PH 3, 9)
Nō reira, ko te āhua tonu i tupu mai taua iwi i ngā rohe o Te Tai Rāwhiti, arā ki Ngāti Awa rā, ki Ngāti Porou me ō rātou kaokao. (B 9)
{
taiao , tainga , taiwhenua , takiwā , tapere , tarawaha , tiriwā }
3.
-a -nga
[Tūmatauenga] mahw, ing, āhua .
Ka tohu (i tētahi pito whenua) ki te pou tarāwaho, kia noho motuhake mai (i ētahi atu whenua); ka tohu (i tētahi atu hanga) kia noho motuhake mai.
Ko te rangi tēnei i rohea e Tāne. (W 344)
roherohe
(1)
rohe2
1.
[Tāne] ing .
He kete iti hei pupuri kai mā te mōkai kākā.
Ko te rohe he mea tā ki te muka. (W 345)
tōrehe
(2)
2.
[Tāne] ing .
He kupenga iti ka kuhuna ki te waha o te hīnaki kia kore ai ngā tuna e puta.
3.
[Tāne] ing, āhua .
He momo pārekereke whai uhi mō ngā waewae.
Ki te mau rohe koe, kāore ō waewae e tū i te ongaonga, e mamae rānei i te kōhatu.
{
}
rohe3
ing .
He kupenga ka puritia ki te ringa hei hao ika .
Ka haere rātou ki waho, ka tāia te purerangi, ka tāia te rohe. (W 344)
