here1
1.
-a -ngia -nga
[Tāne] mahw, ing, āhua .
Ka takatakai (ki te miro, ki te taura, ki te aha atu) kia mau pai, kia tina; ka takatakai tahi i ētahi mea kia mau tahi ai.
Ka herea te kakau ki te kareao kia mau pai ai.
{
heihei 2 (1
) , hohou , hou 3 , houwere , rangitāmiro , ruru 2 (2
) , rī , rōrī , tauhere , whakarorerore , whītiki }
2.
-a -nga
[Tūmatauenga] mahw, ing, āhua .
Ka whakamau ki te aho, ki te taura, ki tērā momo hanga rānei, ka paihere rānei kia apiapi, kia raungaiti.
E ako tonu ana te tamaiti ki te here i ana hū. (Ruka)
Ka herea ngā utauta i runga i te waka kia kore ai e purere noa iho.
{
houwere , hōtiki , kūkuku , niko , pona , pīhere 1 (2
) , renarena , roiroi 1 , rona , ruru 2 (1
) , rūnā , rūruru , taparenga , tauhere , toherere , tāhere , tōtaha , whakatiki 1 , whawhau , whītiki , whītoki }
3.
-a -ngia -nga
[Rongo] mahw, ing, āhua .
Ka mahi kia ngata te hiahia, kia mauru rānei te riri o tētahi atu, e arotau mai ai ia, e tau ai rānei te rangimārie.
He kainga i te kai, e kore a Paeko e herea; he karanga riri, a Paeko ka herea. (W 46)
Ka here i tana atua kia kore ai e kino mai.
whakamārie
4.
[Tāne] ing .
He tikanga e kore ai e taea ētahi āhuatanga te mahi.
Ko ētahi rāhui he tino here tūturu kai runga e mau ana, kāore e taea te hoko, te rīhi, te whakawhiti rānei.
Kāore ia i tono mai kia wetekia ngā here kia taea ai e ngā Māori te hoko aua whenua. (PH 6, 26)
5.
[Tāne] ing .
He aho hei hōtiki i tētahi mea.
Harotu noa iho ngā here o ōna ringa. (PT Kai 15.14)
