pānui1
1.
-hia, -tia -tanga
[Tūmatauenga] mahw, ing, āhua .
Ka whakaputa whānui (i te kōrero, i te rongo).
Kua kite iho ahau i te whakatauākī a Tamaterangi i pānuitia e \Te Pipiwharauroa\, arā 'He ao te rangi ka uhia, he huruhuru te manu ka rere' (KRK 140)
Kua pānuitia whānuitia ō rātou ingoa - kua kore i noho tapu.
{
paki 3 (1
) , tauaki , whata }
2.
-tia -tanga
[Tūmatauenga] mahw, ing, mahp, āhua .
Ka whakaputa ā-waha i ngā kupu, i ngā tohu rānei o tētahi tānga kōrero kia mārama ai te hunga whakarongo ki tāu e pānui ana.
Māku e pānui ngā whakaritenga ki te rōpū.
Ina pānui koe ki te tamariki, me āhua whakaari anō i tāu e pānui rā.
3.
-tia -tanga
[Tūmatauenga] mahw, ing, mahp, āhua .
Ka titiro ki ngā kupu, ngā tohu rānei o tētahi tānga kōrero, ka mārama anō ki tāu i kite ai.
Ka pānui ia i te tuhinga a tana mokopuna me te kata i ana kōrero.
{
(kōrero pukapuka
) }
4.
-tia -tanga
[Tūmatauenga] mahw, ing, āhua .
Ka kōrero i ngā painga o tētahi mea, i runga i tō hiahia kia hokona e te iwi whānui; te kōrero tonu, te pānui whakaahua, te aha atu koinei tāna mahi.
Ka pānuitia e ngā toa ā rātou rawa kia kaha ai te tahuri a te tini tāngata ki te hoko i aua mea.
He nui te utu o te pānui ki te pouaka whakaata, engari inā kē te tokomaha ka kite.
I ēnei rā e kī tonu ana ngā moheni i te pānui muramura e poapoa ana i te tangata kia hoko i ngā momo mea katoa.
5.
[Tāne] ing .
He kupu ā-tuhi, ā-waha rānei e whakaputa whānui ana i tētahi kōrero.
E mau ana te pānui ki te matapihi o te toa, e kī ana kua ngaro tana kurī.
I tāia te pānui mō te hui ā-tau a te rūnanga ki ngā nūpepa o te rohe.
I rongo au i te pānui i te reo irirangi e mea ana kua kino te wai tūmatanui, kaua e inumia.
pānui whakaahua
[Ranginui & Papatūānuku] ing .
He tānga nui, he whakaahua, he kupu, he tohu anō pea kei runga, hei whakatairanga i tētahi mea, hei whakarākei anō.
Kua whakapiria te pānui whakaahua mō te taiopenga ki ngā pouhiko me ngā wāhi pānui tūmatanui o te tāone.
He ātaahua ngā pānui whakaahua e tāia ana e rātou hei whakatairanga i te reo Māori.
[Tāne] ing .
He momo pūrongo ka tuhia hei whakaatu take ki te hunga whai pānga ki tētahi rōpū.
Ka puta te pānui a te kura ki ngā kāinga i ngā Paraire.
pānui whakaata
[Tāne] ing .
He āhuatanga hoatu kōrero ki te mata o te pouaka whakaata hei titiro mā te kaimātaki.
Nā tana āhua turi whakamahia ai e taku hungawai te pānui whakaata kia mau ai ngā kōrero.
