pua1
1.
[Tāne] ing .
Ngā wāhanga whakaputa uri o te rākau, o te mauwha, o te tipu rānei kei reira e mau mai ana te hae, he muramura ētahi, he kakara ētahi, he hua, he kākano tōna mutunga atu.
Me whakamanawanui te mahi o tēnei kia kitea ai te pono o te ngaki rīwai, me ka whakatōkia ki te purapura o tana pua. (KtKM 2, 4)
Rokohanga atu a Mereana e kai ana anō i ngā pua rātā, me te ao ki ōna ringa ka kai. (WM 13b, 6)
{
puāwai }
2.
[Tāne] ing .
Ngā wāhanga whakaputa uri o te tipu kei reira e mau mai ana te hae, he muramura, he kakara te nuinga, he hua, he kākano tōna mutunga atu, whakatipuria ai hei kai mā te karu.
Kua haere rāua ki te kato i ngā pua kanehana hei tuku ki te papa hokohoko.
putiputi
3.
[Ranginui & Papatūānuku] ing, āhua .
Te wāhanga whakaputa uri o te tipu whai pua tērā ka whanake hei tipu hou; i te nuinga o te wā he iti, he mārō anō.
Me tohu ngā pua o te kamokamo nā hei whakatō ā te tau e tū mai nei.
kākano
(1)
pua atua
[Tāne] ing .
He hanga whakaputa uri tino iti kei ngā tipu pērā i te huruwhenua, i te whānau harore, tae atu ki te huakita, e puta ai he uri me te kore tonu e hono o te wāhanga toa ki te wāhanga uwha.
Ko ngā pua atua o ētahi huruwhenua, he rite ki te puehu.
4.
[Tangaroa] ing .
He mirumiru moroiti tini whāioio ka kitea i te mata o te moana ina kaha te karekare o te tai.
Ina haere māua ki tātahi i ngā rā marangai, ka whaiwhai haere taku kurī i te pua e rere ana i te onepū.
pūtai
(1)
5.
-nga
[Tāne] mahp, ing, āhua .
Ka whai puāwai, ka whai hua rānei.
Mā te waru ka pua te kōwhai, ka ngawhā te kōrari. (W 301)
Kua pupuku hoki te pārei, kua pua hoki te kōrari. (PT Eko 9.31)
{
hua 1 (10
) }
pua2
1.
[Tāne] ing .
He rākau, he wāhanga rānei o te ngahere ka nohoia, ka hokia e te manu.
Ka kitea a Whakamanu, he pua manu tērā. (W 301)
{
mātiti }
2.
[Tāne] ing .
He pou i te tūāhu hei taunga mō te atua ina karangahia e te tohunga.
3.
[Whiro] ing .
He tā rākau ka poua ki te whenua hei tohu i te tangata e mākuturia ana.
pua3
-ina -nga
[Tūmatauenga] mahp, ing, āhua .
Ka hiki ake, ka whakaatu i te upoko, i te manawa rānei o te hoariri kua patua.
pua4
1.
-nga
[Rūaumoko] āhua, ing, mahp .
E nui ana te auahi, e kī katoa ana i te auahi.
Ka pua tonu te rangi mō ētahi wiki i muri i te hūnga nui.
kaurukiruki
2.
-nga
[Ranginui] āhua, ing, mahp .
Kāore i mārama te kite i te mea he hanga moroiti (pērā i te puehu, i te paoa, i te rehu tai) e iri mai ana ki te hau takiwā.
He uaua te kite atu i ngā moutere i ētahi wā, he pua nō ngā rangi takurua.
nehunehu
