patu1
1.
-a -nga
[Tūmatauenga] mahw, ing, mahp, āhua .
Ka mahi kia pā taikaha te ringa, tētahi taputapu rānei e mau ana ki te ringa, ki tētahi hanga.
I ēnei rā e whakaae ana te tokomaha he mahi kino te patu i te tamariki.
Ka mea ia ki te patu i te kiore ki tana tokotoko.
{
haupatu , pāhi 1 , tāpatu 2 , tāpatupatu 2 }
patu whītau
[Tāne] ing .
He taputapu i hangā ki te kōhatu hei paopao muka kia ngāwari ai.
2.
-a -nga
[Whiro] mahw, ing, āhua .
Ka mahi kino ki te tinana, ki te wairua rānei o tētahi atu, e whara ai, e haumate ai ia.
Ki te kore e mutu tana patu i ana kurī, kei te waeahia atu e au te ture.
tūkino
(1)
3.
-a -nga
[Tūmatauenga] mahw, ing, āhua .
Ka kī kāore i pono te whakapae a tētahi atu, kāore rānei i pono, i tūturu tētahi hanga, he mea pohewa kau.
Patua mai taku kupu. (W 272)
whakakāhore
(1)
patu taringa
patu taringatanga
[Whiro] mahp, ing, āhua .
Kāore i pono (o te kōrero).
Kāti te patu taringa. Kei te mōhio mātou he aha koe i panaia ai i tō mahi.
rūkahu
(2)
4.
[Tūmatauenga] ing, āhua .
He rākau whawhai poto.
Ka oma atu a Pekerangi rā runga i tōna tuarā ki te pao i te karu o te taniwha nei ki tana patu. (Wh 15, 3)
patu kou
[Tūmatauenga] ing .
He mere poroiwi, he riwha kei tētahi taha o te rau.
patu pora
[Tūmatauenga] ing .
He rākau whawhai i hangā ki te maitai.
5.
[Tāne] ing, āhua .
Ētahi tipu, ngā rau rānei o ētahi tipu pērā i te raupō, i te wīwī ka inakitia ki ngā kaho o te whare hei tuanui.
Ka haere ki te kohi raupō hei patu mō te whare.
I uia rā ki te patu o te whare, kāhore i kī te waha. (W 272)
rauwhare
[Tūmatauenga] ing .
He rākau, he mea hanga mō te āhua o te momo tākaro, hei hau atu i te pōro.
Ka piu te patu, rere atu ana te pōro ki Pārengarenga.
