pare1
1.
[Tāne] ing .
He papanga whāiti, he rau rākau, he aha atu ka mahia kia tarawhiti te hanga, ka whakamaua ki te upoko hei whakapaipai, hei tohu i te mate, i te aha atu.
Ā, ko ērā hoki ko ngā kaumātua me ngā kuikuia ka noho ki te pae tapu tatari mai ai, me te hanga pare kawakawa hei mau ki ngā mātenga. (W.266 Wh 55, 3)
He tāniko ngā pare o taua kapa.
tīpare
2.
[Tāne] ing .
He whakapaipai mō te māhunga.
Kei te titiro te iwi ki ngā tohu o te rangatira, o te toa, ki te tā kōtuku, ki te pare kārearea. (W 266)
Kāore pea he pare i tua atu i te huia te whāia e te tangata ināianei, e te Pākehā, e te Māori. (Pi 39, wh6)
3.
[Tāne] ing .
Ngā makawe kua tīponatia ki te rae, ki te tumuaki, ki te kōhamo rānei.
pūtiki
(4)
pare koukou
[Tāne] ing .
Ngā makawe kua tīponatia ki te rae, ki te tumuaki, ki te kōhamo rānei.
Ka oti ngā makawe te pare koukou.
pūtiki
(4)
4.
[Tāne] ing .
Te papa whakairo kei runga ake i te kūaha o te whare whakairo.
5.
[Tangaroa] ing .
Te wāhanga whakairo o te tīheru waka.
pare2
1.
-a -nga
[Tūmatauenga] mahw, ing, āhua .
Ka aukati atu (i tētahi mea kino), ka mahi kia kore e pā mai.
E ai ki ngā kōrero mā te kai huaora C ka parea atu te maremare. (Ruka)
Koinei pea te ara e taea ai te pare atu ētahi o ngā taumahatanga o te iti o te pūtea. (HM 8, 4)
ārai
(1)
2.
-a -nga
[Tūmatauenga] mahw, ing, āhua .
Ka mahi kia rerekē te aronga e whāia ana e tētahi mea, kia ahu atu taua mea ki wāhi kē.
Ka parea ake e au ēnei whakaaro ki tahaki. (HP 292)
Tō te tautauā tōna āhua, parea kētia iho ana te mata o tana rākau ki tōna matua nāna ia i whakatupu. (WMA 2, 47)
{
kaupare , kauparepare , (kawe kē
) , papare , whakapeau }
3.
-a -nga
[Tūmatauenga] mahw, ing, āhua .
Ka tango ake, ka neke ki rahaki.
Ka titiro a Paoa ki ngā ika ka parea ake mā ngā hoa. (W 266)
nukunuku
4.
-a -nga
[Tūmatauenga] mahw, ing, āhua .
Ka whakarite, ka tohu rānei (i tētahi mea) mō tētahi tangata, mā tētahi tangata rānei, ā tōna wā.
Kauaka Toihau hei pare ā-waha mā Te Keepa 'hau. (W 266)
taunaha
5.
[Tūmatauenga] ing .
He tangata, he ārai, he aha atu hei tiaki, hei whakamarumaru i tētahi mea .
Ka tīkina atu te whakangungu rākau hei pare mōku. (Te Awanuiārangi Black)
{
papare , parahau }
pare tīkākā
[Papatūānuku] ing .
He pani mō te kiri hei ārai atu i ngā hihi katikati o te rā.
Kua whero katoa te ihu nā te kore i pania ki te pare tīkākā.
