mātotoru1
1.
-tanga
[Tāne] āhua, ing, mahp .
E whānui ana mai i tētahi mata ki tētahi, ina whakaritea ki te roa, ina whakaritea rānei ki ētahi atu hanga; te whānui mai i tētahi mata ki tētahi.
Me taura mātotoru kia kore ai e motu.
Ka takaia te pēpē ki te kahu mātotoru kia mahana ai.
Ōna rākau he rākau nunui, he tōtara, he rimu, he miro, he mataī — ko ētahi e ono putu te mātotoru, he teitei rawa hoki. (WM 10, 12)
{
matatengi , pōruru }
2.
-tanga
[Tāne] mahp, ing, āhua .
Ka tino piri tata, ka tino noho tata ngā hanga o roto, ahakoa nui, ahakoa iti.
Mātotoru ana te noho mai a te tangata i te marae. (TT 104, wh2045)
Ka kohu ana a Rānana nei, me uaua kē ka kite te tangata i te kaha mātotoru. (Wh 9, 8)
Uaua ana te haere nā te mātotoru o te māheuheu.
{
apiapi , whakaapi }
