mārō1
1.
-tanga
[Tāne] mahp, ing, āhua .
Kua toro ki te roa, ki te whānui ka taea, kua kikī; kua tū tika.
Ka mārō ā rāua aho. (W 183)
Ka mārō te kakī o te kawau. (W 183)
E hoa, kia āta huti i tēnā ika ki runga, kia mārō te tū, kaua e tū whakahinga, kaua e tū koromeke. (PH 1, 11)
{
pakeke , torotika }
2.
-tanga
[Tūmatauenga] mahp, ing, āhua .
Kāore e tautuku ki ngā tono, ki ngā pēhitanga mai a tētahi atu.
Hau ana tōna rongo, arā, kātahi hoki te tangata tika, tangata mārō ngā whakaaro ko tēnei! (TTR 5, 238)
{
tōkeke , whakatuturi , whātuturi }
taringa mārō
[Tūmatauenga] ing .
He tangata kāore e aro ake, e whakarongo ki ngā whakaaro, ki ngā tohutohu a tētahi atu, ka ū tonu ki tāna ahakoa pēhea.
Nōhea e aro mai te taringa mārō ki tā tātou e inoi nei.
kakī
1
(1)
(kakī mārō)
taringa mārō
-tanga
[Tūmatauenga] āhua, ing, mahp .
Kāore e whakarongo.
Kāore rātou i hiahia mahi tahi ki a koe, he taringa mārō nōu.
kōroiroi
(1)
(taringa kōroiroi)
upoko mārō
[Tūmatauenga] ing .
He tangata kāore e aro ake, e whakarongo ki ngā whakaaro, ki ngā tohutohu a tētahi atu, ka ū tonu ki tāna ahakoa pēhea.
Ko te kōrero ki te upoko mārō rā, me te paopao i te māhunga ki te pakitara raima.
kakī
1
(1)
(kakī mārō)
upoko mārō
-tanga
[Tūmatauenga] āhua, ing, mahp .
Kāore e neke, e aro ake, e whakarongo ki ngā whakaaro o tētahi atu, ka mau tonu ki tāna, ahakoa pēhea.
He wahine upoko mārō, ka ū tonu ki tāna ahakoa ngā inoi a ētahi.
Kāti te upoko mārō. Ka raru te kaupapa i a koe.
whakatete
(1)
3.
-tanga
[Papatūānuku] āhua, ing, mahp .
E uaua ana ki te whakapiko, ki te tapahi, ki te wero, ki te wāhi; kāore i māmā te whakarerekē.
He unahi kau te tuarā, he mārō. E kore e ngoto te hoari, te tao rānei. (KtKM 1, 3)
I te haerenga o taku tipuna ki te Pāremata i te tau 1872 ka mau pūtu ia, kāti i te mārō o ngā huarahi o Pōneke, ka unuhia e ia ōna pūtu ka tīkawetia ki tōna pakihiwi. (TT 101, wh1976)
Kāore e piko i a au te maitai nei, he mārō rawa.
{
pakeke , tūmārō , uka }
4.
[Tāne] ing .
He momo inenga e inea ai tētahi mea mā te toro whakawaho o ngā ringa kia hāngai ki ngā pokohiwi.
Ko te whānui e toru mārō. (W 183)
