awhi1
1.
-tia -hia -ngia -tanga -hanga
[Papatūānuku] mahw, ing, āhua .
Ka rarawhi (i te tangata, i tētahi atu hanga rānei) ki ō ringaringa kia piri rawa ki tō uma, he tohu aroha i te nuinga o te wā.
Tēnei koe te hōkai nei, ē, ki tō moenga, i awhi ai tāua, ī. (NM1 17, 7)
Waihoki, e kore mātou e pai ki te awhi i ngā ritenga a te Kīngi, pēnā me te heihei e awhi nei i ngā hua a te pārera, a te kuihi, a te take. (WMA 1, 17)
{
awhiawhi 1 (1
) , kauawhi , kauawhiawhi , kēkeke , tauawhi , whakahiapo }
2.
-tia -hia -ngia -tanga -hanga
[Papatūānuku] mahw, ing, āhua .
Ka āta tiaki i runga i te aroha.
Nā tōku tupuna au i awhi, ā whai tangata ahau. (W 25)
{
kumanu , maimoa , mīrā , nānā , raupī , tapuhi , whakaahuru , whakaipo , whakaipoipo }
3.
-tia -hia -ngia -tanga -hanga
[Tāne] mahw, ing, āhua .
Ka noho (te manu) ki runga i ngā hua kia riro mā tōna tinana e whakamahana, e whakaruruhau, ā, paopao noa mai ngā pīpī.
E kore mātou e rite ki te heihei; nā te pārera ngā hua, nā te heihei i awhi. (WMA 1, 17)
{
tāpapa }
4.
-tia -hia -ngia -tanga -hanga
[Tūmatauenga] mahw, ing, āhua .
Ka karapoti (i te pā, i te ope) i runga i te whai kia horo, kia hinga.
Ka awhi rātou i te pā o te hoariri, ā, horo rawa i te kore wai, i te kore kai. (Te Awanuiārangi Black)
{
pakipaki 1 (2
) , pāhau 2 , pōrohe , whakapae }
