mana1
1.
-tanga
[Ranginui] ing, mahp, āhua, maho .
Te tū rangatira e tautokona ana, e whakaaetia ana e ētahi atu; te kaha ki te ārahi, ki te tohutohu i ētahi atu.
He rangatira whai mana a Hongi. Nō Tūhoe te mana me te rangatiratanga. (W 172)
Ka karangatia e te manuao kia hoki taua tima, kāore ōna mana ki te haere i runga i taua moana. (HTK 1, 16)
Ko te rironga tērā o te mana tangata, o te mana whenua, o te mana kōrero ki raro i a Aotea. (B 10)
{
ihi 2 , kanoi , maru , tikanga }
2.
[Tūmatauenga] ing .
Te kaha e taea ai ngā whakaaro, ngā mahi rānei a tētahi atu te whakarerekē, te whakawai.
Koirā te mana o te hikareti, he tino uaua te kore e hoki atu anō ki a ia.
awe
1
(4)
3.
[Tūmatauenga] ing .
He kaha nō roto tonu i te tangata, nō te wairua, nō te hinengaro o te tangata.
Ehara i te tino mate rawa te mate o Tāwhaki, ā, nōna ake anō te mana i ora ake ai anō ia. (W 172)
4.
-tanga
[Tūmatauenga] āhua, mahp .
E whai take ana, e pūmau ana i runga i ngā tikanga o te iwi, me te titiro a te nui tangata, e kore e turakina e wai rānei .
Kia mana rā tā tāua awhiawhi. (W 172)
Ahakoa kāore i turetia, ki te Māori o taua wā kua mana tonu atu. (HP 40)
5.
-tanga
[Tūmatauenga] mahp, ing, āhua .
Ka puta ōna hua, ka whakatinanatia (o te kupu).
Ka hāmama ngā waha ki te karakia, ka koa hoki ki ā rātou nei mea ka mana. (W 172)
Ko te whakaaro o Te Rauparaha, ka mana nei anō tana kanga ki ngā tāngata o Kaikōura, ka whakamutu te patu. (W 172)
Nōnahea i mana ai te whakahau kia whakamutua te kai paipa i ngā pāparakāuta?
6.
-hia, -tia -tanga
[Tūmatauenga] mahp, ing, āhua .
Ka utua tētahi hara, ka ngakina rānei tētahi mate.
Ka whakaaro a Te Rauparaha me pēwhea rā ka mana ai te mate o Te Pēhi. (W 172)
ea
1
(2)
mana2
[Tangaroa] ing .
He ika rite ki te kōura tino iti, nō te karangatanga kōurapaka.
Paratya curvirostris
kōuraura
