kāwai1
1.
[Tāne] ing .
Te taura e here ana i te tangata ki ōna tūpuna.
He Māori tōna wahine, nō tētahi o ngā kāwai rangatira o Ngāti Tāwhaki. (HP 259)
{
aho 1 (4
) , hikahika , hiwi 2 (3
) , kahou , kaka 1 (5
) , kakano , kauhau , kauwhau , kāwei , takiaho , tātai 1 (7
) }
2.
[Rongo] ing .
Ngā toronga o te hue, o tētahi atu tipu toro whenua rānei.
Ka whāia haeretia a Rakawahakura, ka pipiri tonu, ka kuhu ki raro i ngā kāwai o te hue a Mahunui huna ai kia ora. (NM4 348, Kwm)
{
kautawa , kīwai , kāwei , kīwei }
3.
[Tangaroa] ing .
Ngā hanga e rite ana ki te ringa ka toro ake i te upoko o te wheke, o te ngū.
Ko ētahi o ngā kāwai roa nei o taua taniwha e piri ana ki te toka, ko ētahi e awhi ana i te tinana o te wahine rā. (WM 13, 23)
kawekawe
(1)
4.
[Tāne] ing .
Ngā puritanga ringa o te kete.
Māu tētahi kāwai o te kete, ko tētahi ki a au.
kīwai
(1)
5.
[Tāwhirimātea] ing, āhua .
He hau māriri, kāore e kaha te pupuhi.
Ki te kaha ake i te kāwai, kua hoki tātou ki uta, kei kahakina noa tātou ki waho.
hengihengi
(1)
kāwai2
[Tāne] ing .
He kāhui manu.
Tērā pea e hāngai ana ki te pārera, te whio me te weiweia anake.
Pakō ana te pū, whati ana te kāwai pārera ki te tī, ki te tā.
