kōaro1
1.
-nga -tanga
[Ranginui & Papatūānuku] mahp, ing, āhua, tūkē .
Ko runga (o tētahi mea) kei raro kē, ko raro kei runga, ko roto rānei kei waho, ko waho kei roto.
Kua noho kōaro te pēpē ki te kōpū - ko ngā waewae kē e puta tuatahi mai ana, kaua te māhunga. (Ruka)
Me huri te pepa whai moko i roto i te pūreretā, mā reira e kore ai e puta kōaro mai ngā kōrero ki te whārangi.
Kua kōaro tō hāte - kua noho mai te tapanga i te kakī ki waho.
{
kōwaro 1 (1
) }
huri kōaro
-tia -tanga
[Tāwhirimātea] mahw, ing, āhua .
Ka huri i tētahi mea kia noho ko roto ki waho, ko waho ki roto.
Ka huri kōarotia tana tarau, kāore tonu i kitea te puruhi kua kaikai rā i ana waewae.
{
hurirua , kōhure }
huri kōaro
-tia -tanga
[Tāwhirimātea] mahw, ing, mahp, āhua .
Ka huri kia kōaro te noho mai, kia rerekē katoa rānei te ahunga.
Me huri kōaro te paepae, ka pākōkō i te tou. Ko te tikanga ka makere noa mai te keke.
Kua huri kōaro ngā whakaaro, kua kore rātou e hiahia tautoko ā-pūtea mai i te kaupapa.
huri kōaro
[Whiro] ing .
He aituā ka pā i te hapa o te whiu i te tao.
2.
-tia, -hia, -ngia -tanga, -hanga, -nga
[Rongo] mahp, ing, āhua .
Kāore e pai te tupu (o ētahi kai o te māra) i te pāngia e tētahi mate. (I te nuinga o te wā, he mate harore.) .
Ruia tā tātou rīwai ki te rongoā nei kia kore ai e kōaro. (THM)
{
kōwaro 1 (2
) }
3.
[Tangaroa] ing .
He ika wai māori 16-18 henemita te tipu, he kākāriki ki te ōriwa parauri te tinana me te rere anō o ōna tāingoingo kākāriki parauri, he iraira pango kei runga ake i ngā pakipaki, he manauri ngā paihau katoa.
Galaxias brevipinnis
{
hiwihiwi 2 , kakawai , kōwaro 2 (1
) , maeha , mohimohi 1 (1
) , ngohongoho , pangare , raumahehe , rōrōai , rāwai , taiwharu , tarare , tohitohi }
